PROFILPELAJAR.COM

Chennai
	சென்னை (ta)
Localización
	13°04′57″N 80°16′30″L / 13.0825, 80.275
País	India
Estado da India	Tamil Nadu
Distrito da India	Chennai district (en)
Capital de	Chennai district (en) ; Madras Presidency (en) ; Madras State (en) (1947–); Tamil Nadu (1969–)
Poboación
Poboación	6.599.000 (2024) (15.460,49 hab./km²)
Lingua oficial	Lingua támil
Xeografía
Superficie	426.830.040 m²
Altitude	6 m
Datos históricos
Creación	1639
decembro de 1758	Evento clave
decembro de 1758	Siege of Madras (en)
Organización política
• Xefe do goberno	M. K. Stalin (pt)
Membro de	Rede de cidades creativas (2017–)
Identificador descritivo
Código postal	600...
Fuso horario	UTC+05:30
Prefixo telefónico	44
Outro
Irmandado con	Frankfurt ; Chemnitz ; Volgogrado (1966–); Denver (1984–); San Antonio (2009–); Kuala Lumpur (2010–); Chongqing (2015–); Ulsan (pt) (2016–)
Sitio web	chennaicorporation.gov.in

Chennai (சென்னை en támil) (antigamente Madrás) é a capital de Tamil Nadu na India, con 6 800 000 habitantes é a cuarta cidade do país. Localízase na costa de Coromandel, no Golfo de Bengala.

Historia

Chennai recibiu o seu nome actual en 1996.

Mylapore

Nunha rexión poboada dende séculos, a cidade anteriormente coñecida coma Madras (ata 1996) xurdiu por unión de varias poboacións veciñas, xeralmente vinculadas a templos: Thiruvanmiyur no sur; Thiruvotriyur ao norte; Thirvallkeni (hoxe barrio de Triplicane) no centro. A a máis antiga semella que foi Mylapore (hoxe barrio central de Thirumaylai). Foi un activo porto da Costa de Coromandel dende o século I aC e centro da cultura támil. Supostamente foi visitada por Tolomeo e poida que polo apóstolo San Tomé. De feito, nos arredores da cidade actual, no suroeste, álzase o Monte de San Tomé, suposto lugar da prédica evanxelizadora^[1].

Mylapore foi porto e un centro administrativo das sucesivas dinastías que gobernaron o sueste do subcontinente indio no primeiro milenio: Chola, Pallava, Pandya, Khilji e os Nayaks do Imperio de Vijayanagar. Do tempo dos Pallava data o importante templo de Kapalleeshvarar (século VII).

En 1522 os portugueses arriban e constrúen alí o asentamento e porto de São Tomé de Meliapore. Destruíron o templo de Kapaleeshwarar (reconstruído no XVIII) e erixiron a basílica de Sao Tomé sobor da suposta tumba do apóstolo.

Colonia británica: Madras

En 1639 Francis Day merca para a Compañía Británica do Leste da India a concesión dunha franxa de terra ao norte de Mylapore onde existía a localidade pesqueira de Madraspatnam. Ao ano seguinte constrúen un forte (Fort St. George) con vivendas e peirao, ó que chamaron White Town, por oposición á Black Town ou asentamento indíxena que creceu ao carón do anterior.

En 1746 os franceses ocúpana brevemente destruíndo a Black Town. Tres anos despois volve ás mans dos británicos. Reforzan con bastións o forte que adopta forma semioctogonal^[2] e deixan unha explanada de medio quilómetro ao norte no lugar que ocupara aquela, estendendo máis ao norte unha nova retícula urbana (futura George Town)^[3].

Amais, durante todo o século XVIII agrandan a colonia mediante sucesivas adquisicións (entre outras Triplicane, Tiruvottiyur e a propia Mylapore)^[4]. Convértese en base naval inglesa e centro administrativo das posesións do imperio no sur da India (Madras Presidency).

No século XIX experimenta un gran crecemento ao ser o porto do intercambio comercial da rexión con Europa, incrementado pola posta en marcha cara ao fin da centuria da rede de ferrocarrís da India^[5].

Pero a verdadeira explosión urbana produciuse trala independencia do país en 1948 e a industrialización das décadas posteriores (sinaladamente a industria do automóbil). Hoxe un novo pulo vén da man de ser un centro das Tecnoloxías da Información.