PROFILPELAJAR.COM

Honorábel
Charles Algernon Parsons
	;
Biografía
Nacemento	13 de xuño de 1854 ; Londres, Reino Unido
Morte	11 de febreiro de 1931 (76 anos); Kingston (Colonia de Xamaica)
Causa da morte	parestesia periférica (pt)
Lugar de sepultura	St John's College (pt)
High Sheriff of Northumberland (en)
	1910 – 1911
Datos persoais
Residencia	Holeyn Hall (en)
Educación	Trinity College Dublín ; St John's College (pt)
Actividade
Campo de traballo	Turbina de vapor
Ocupación	enxeñeiro, inventor, empresario
Empregador	Heaton (en)
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1925–); Royal Society (1898–); Institution of Civil Engineers (pt) ; Academia de Ciencias de Rusia ; Academia de Ciencias da URSS ; Associação Britânica para o Avanço da Ciência (pt)
Familia
Cónxuxe	Katherine, Lady Parsons (1883–valor descoñecido)
Fillos	Rachel Parsons, Algernon George Parsons
Pais	William Parsons e Mary Rosse
Irmáns	Lawrence Parsons, 4th Earl of Rosse
Premios
	(1929) Bessemer Gold Medal (en) ; (1928) Medalla Copley; (1927) Orde do Mérito do Reino Unido; (1923) Medalha Faraday (pt) ; (1920) Medalla Franklin; (1918) Conferencia Baker; (1911) Medalla Albert; (1911) Knight Commander of the Order of the Bath (en) ; (1904) Medalla Grashof; (1902) Medalla Rumford; (xuño de 1898) membro da Royal Society; Compañeiro da Orde do Baño; doutor en ciencias Concedido por Universidade de Durham (pt) ; doutor en ciencias Concedido por Universidade de Oxford; Doctor of Engineering (pt) Concedido por Universidade de Liverpool; doutor en ciencias Concedido por Universidade de Cambridge; doutor en ciencias Concedido por Trinity College Dublín ;
Descrito pola fonte	Svensk Uppslagsbok (pt) ; Nordisk familjebok; Grande Enciclopedia Soviética 1969-1978, (sec:Парсонс Чарлз Алджернон)

Charles Algernon Parsons, nado en Londres o 13 de xuño de 1854 e finado en Kingston (Xamaica) o 11 de febreiro de 1931, foi un enxeñeiro e inventor anglo-irlandés, máis coñecido pola invención da turbina de vapor^[1] e por dar nome á C. A. Parsons and Company. Traballou no proxecto de dínamos e turbinas para a xeración de electricidade, con grande influencia no campo naval e no campo da enxeñaría eléctrica. Tamén desenvolveu equipamentos ópticos, como reflectores e telescopios.

Traxectoria

Parsons naceu en Londres nunha familia angloirlandesa.^[2]^[3]^[4] Era o fillo máis novo do astrónomo irlandés William Parsons (Lord Rosse). A casa familiar é o castelo de Birr, no condado de Offaly (Irlanda), e a cidade de Birr recibiu o nome de Parsonstown pola familia entre 1620 e 1899.

Cos seus tres irmáns, Parsons foi educado na casa en Irlanda por titores privados^[5] (incluído John Purser). Posteriormente estudou no Trinity College (Dublín) e no Saint John's College (Cambridge), graduándose brillantemente en matemáticas neste último en 1877.^[6] Logo de graduarse en Cambridge, comezou a fabricación dunha revolucionaria turbina de vapor, capaz de xerar unha alta velocidade (ata 18 000 revolucións por minuto), que rematou en 1884. Con ela equipou un veloz barco de vapor que bautizou co nome de Turbinia (1894), co que demostrou a superioridade da turbina de vapor sobre outro tipo de motores da época.

Nos inicios do século XX todos os barcos comezaron a estaren equipados con ese tipo de motor, especialmente cando en 1912 perfeccionou a turbina de engrenaxe, unha mellora revolucionaria da súa turbina inicial. En 1925, Charles Parsons adquiriu a Grubb Telescope Company e renomeouna Grubb Parsons.

Parsons faleceu o 11 de febreiro de 1931 a bordo do buque Duchess of Richmond durante un cruceiro coa súa esposa a causa dunha neuropatía.^[7] O 3 de marzo de 1931, celebrouse un servizo conmemorativo na abadía de Westminster. Parsons foi enterrado na igrexa parroquial de San Bertomeu en Kirkwhelpington en Northumberland.

Vida privada

En 1883 Parsons casou con Katharine Bethell, filla de William F. Bethell. Tiveron dous fillos: Rachel Mary Parsons (nada en 1885) e Algernon George Parsons (nado en 1886), que faleceu en acto de servizo durante a primeira guerra mundial en 1918, aos 31 anos.^[8] Katharine morreu na súa casa de Ray Demesne, Kirkwhelpington, Northumberland en 1933.^[9] Rachel Parsons morreu en 1956; o mozo de corte Denis James Pratt foi condenado por homicidio imprudente.^[10]

En 1919 Katharine e a súa filla cofundaron Women's Engineering Society, que aínda existe.^[11]

Notas

↑ "Sir Charles Algernon Parsons". Encyclopedia Britannica. n.d. Consultado o 6 de setembro de 2018.
↑ "Charles Parsons the Person". University of Limerick. Arquivado dende o orixinal o 11 de setembro de 2016. Consultado o 21 de setembro de 2019. ... was an Anglo-Irish engineer,
↑ Weightman, Gavin (2011). Children of Light. Atlantic Books. p. 112. ISBN 0857893009. Charles Algernon Parsons was from the Anglo-Irish aristocracy
↑ Invernizzi, Costante Mario (2013). Closed Power Cycles: Thermodynamic Fundamentals and Applications. Springer. pp. 1–. ISBN 978-1-4471-5140-1.
↑ The Earl of Rosse (Autumn 1968). "William Parsons, third Earl of Rosse" (PDF). Hermathena (107): 5–13. JSTOR 23040086. Consultado o 6 de setembro de 2018.
↑ Parsons, the Hon. Charles Algernon Arquivado 06 de xuño de 2012 en Wayback Machine. en Venn, J. & J. A, Alumni Cantabrigienses, Cambridge University Press, 1922–1958.
↑ Sir Charles Parsons and Sir Arthurt Dorman. The Times (venres, 13 de febreiro de 1931), número 45 746, páxina 14.
↑ "Katherine Bethell". The Peerage. Consultado o 6 de xaneiro de 2015.
↑ "Obituary The Hon. Lady Parsons". Heaton Works Journal (Women's Engineering Society). decembro de 1933. Arquivado dende o orixinal o 06 de xaneiro de 2015. Consultado o 6 de xaneiro de 2015.
↑ "A history of General Motors in pictures". The Telegraph. Consultado o 6 de xaneiro de 2015.
↑ Heald, Henrietta (23 de maio de 2014). "What was a girl to do? Rachel Parsons (1885–1956): engineer and feminist campaigner". blue-stocking. Consultado o 6 de xaneiro de 2015. In January 1919, Rachel and her mother, Katharine, established the Women’s Engineering Society, with Rachel as the first president and Caroline Haslett, an electrical engineer, as secretary.