Carmen Alborch Bataller, nada en Castelló de Rugat o 31 de outubro de 1946 e finada o 24 de outubro de 2018[1], foi unha política valenciana.
Traxectoria
Licenciouse en Dereito na Universidade de Valencia en 1970, doutorándose Cum Laude en 1973. Pasou a traballar como profesora nesa mesma universidade, chegando a ser decana da Facultade de Dereito en 1985.
A súa paixón pola cultura, levouna ao posto de Directora Xeral de Cultura da Generalitat Valenciana (1987), Directora do Instituto Valenciano de Arte Moderna (IVAM) (1987-1993), e Ministra de Cultura durante o derradeiro período de goberno de Felipe González (1993-1996). Foi deputada no Congreso dos deputados de España como independente nas listas do PSOE pola circunscrición de Valencia (1996-2008).
Nas eleccións municipais do ano 2007 foi candidata polo PSPV-PSOE á alcaldía de Valencia, saíndo gañadora das eleccións a candidata do Partido Popular, Rita Barberá. Foi concelleira e voceira do PSPV-PSOE no Concello de Valencia.
Nas eleccións xerais do ano 2008 foi elixida Senadora por Valencia, sendo a terceira candidata máis votada da circunscrición. Foi Secretaria Primeira da Mesa do Senado.
Obra
Notas
Véxase tamén
Ligazóns externas
.JPG)
.svg){kind=small}
