Carlos III de Francia

Nome orixinal	(fr) Charles III le Simple
Biografía
Nacemento	17 de setembro de 879 Péronne, Francia
Morte	7 de outubro de 929 (50 anos) Péronne, Francia
Lugar de sepultura	collégiale Saint-Fursy de Péronne (en)
Monarca da Francia Occidental
3 de xaneiro de 898 – 30 de xuño de 922 ← Eudes I de Francia – Roberto I de Francia →
Actividade
Ocupación	monarca
Outro
Título	King of Lotharingia (en) (911–923) Rei dos francos (898–922)
Familia	Dinastía Carolinxia
Cónxuxe	Eadgifu de Wessex (919 (Gregoriano)–929 (Gregoriano)) Frederuna (907 (Gregoriano)–)
Fillos	Roricon of Laon  () Eadgifu de Wessex Ermentrud des Francs  () Frederuna Gisela de Francia  () Frederuna Hildegarde of France  () Frederuna Lois IV de Francia  () Eadgifu de Wessex
Pais	Lois II de Francia   e Adelaide de Paris
Irmáns	Ermentrude of France Gisela der Franken Carlomán II Lois III de Francia
Cronoloxía
	nacemento póstumo
Descrito pola fonte	Dicionario Enciclopédico Brockhaus e Efron The Nuttall Encyclopædia >>>:Charles III., The Simple Armenian Soviet Encyclopedia, vol. 5 (en) , (p.325)

Carlos III, tamén coñecido como o Simple (como sinónimo de honesto non de torpe), nado o 7 de xaneiro ou 17 de setembro de 879 en Péronne (Somme) e finado o 7 de outubro de 929, foi rei de Francia occidental entre 893 e 923.

Fillo de Lois II de Francia o Tatexo e de Adelaida de Friúl, no momento da morte de seu pai e seus irmáns era demasiado novo para reinar, polo que o emperador carolinxio Carlos III o Gordo tomou a coroa e os nobres do reino escolleron a Eudes, Conde de París, como rei de Francia occidental. Porén finalmente o 28 de xaneiro de 893 coroouse como rei de Francia en Reims, se ben non puido acceder ao trono ata a morte de Eudes no ano 898.

Xa no trono deulle solución ao continuo problema das invasións viquingas. En 911 asinou o Tratado de Saint-Clair-sur-Epte, segundo o cal acordou co caudillo viquingo Hrolf Ganger a concesión de Normandía a cambio da promesa de protexer a costa de Francia e o río Sena da pillaxe viquinga, a promesa de vasalaxe, a conversión ao catolicismo e o matrimonio coa filla do rei francés, Gisela.

Por outro lado a nivel interno non puido limitar o poder dos señores feudais, que se organiza en torno aos numerosos torreóns, loitando especialmente contra Xilberto de Lorena, Raúl de Borgoña e o futuro Roberto I, irmán de Eudes e avó de Hugo Capeto.

Á morte de Lois IV, último rei carolinxio de Xermania, Carlos reivindicou a rexión de Lorena e fixo valer os seus dereitos ao Imperio, porén é derrotado polo xermano Henrique o paxareiro, futuro Henrique I.

Roberto, conde de París e irmán do anterior rei, fomentou unha revolta contra a coroa e os seus partidarios escollérono como rei so o nome de Roberto I e o 29 de xuño de 922 Carlos III renunciou, obrigado, ao trono, mais contraatacou dende Lorena enfrontándose ao usurpador na batalla de Soissons o 15 de xuño de 923. Nesa batalla morreu Roberto I, mais o seu fillo, Hugo Capeto, derrotou a Carlos III.

Despois deste enfrontamento os señores feudais de Francia non recoñeceron como rei ningún dos contendentes, escollendo a Raul de Borgoña, que sería coroado co nome de Raúl I de Francia.

Carlos III refuxiouse na casa do seu vasalo Herberto II de Vermandois, quen o fixo prisioneiro no Castelo de Péronne (Somme) a causa dos seus lazos familiares con Roberto I, xa que a súa irmá era a esposa deste.

Finalmente morre en 929 despois de seis anos de cativerio.

• Con Frédérune:
  • Giséle
  • Rothrude
  • Hildegarde
  • Frérone
  • Ermentrude
  • Adélaïde
• Con Edwige de Wessex, filla de Eduardo o Vello, rei de Wessex:
  • Lois IV de Francia, rei de Francia entre 936 e 954.
• Fillos bastardos:
  • Arnulf
  • Drogon
  • Roricon
  • Alpaïs