Gisela, tamén escrita coma Gisella ou Giséle, foi a filla do rei de Francia Carlos III e segunda esposa do caudillo viquingo e primeiro Duque de Normandía Rollo.
Traxectoria
O seu matrimonio en 911 co caudillo viquingo Hrolf Ganger, ou Rollo, formaba parte do tratado asinado entre este e o rei de Francia, seu pai, segundo o cal Hrolf Ganger obtiña a rexión de Normandía a cambio de protexer as costas francesas dos ataques viquingos, converterse ao catolicismo e xurar lealdade ao rei francés Carlos III.
Polo tanto é considerada como a primeira Duquesa de Normandía.
Non se teñen moitas referencias do seu nacemento e sobre o seu matrimonio, habendo dúbidas sobre a súa existencia e sobre se en realidade era unha filla bastarda de Carlos III.
Véxase tamén
Ligazóns externas
Dicionario sobre heroes medievais (en inglés)
