Andre Iguodala

(2020)
Biografía
Nacemento	28 de xaneiro de 1984 (40 anos) Springfield, Estados Unidos de América
Residencia	Springfield
Educación	Universidade de Arizona Lanphier High School (en)
Altura	198 cm
Peso	98 kg
Actividade
Ocupación	baloncestista
Período de actividade	2004 -
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala e Escolta
Número deportivo	9
Convocado por	Philadelphia 76ers
Traxectoria   Equipo 2002–2004 Arizona Wildcats (Escolta, Ala) 2004–2012 Philadelphia 76ers (Escolta, Ala) 2012–2013 Denver Nuggets (Escolta, Ala) 2013–2019 Golden State Warriors (Escolta, Ala) 2019–2020 Memphis Grizzlies 2020– Miami Heat
Participou en
16 de outubro de 2018	Tempada 2018-19 da NBA
2012	Xogos Olímpicos de 2012
2010	Campionato do Mundo de Baloncesto de 2010
Premios
(2015)  Premio Bill Russell ao MVP das Finais da NBA (2014)  Mellor quinteto defensivo da NBA (2005)  equipo All-Rookie da NBA

Andre Tyler Iguodala, nado o 28 de xaneiro de 1984 en Springfield (Illinois), é un ex-xogador de baloncesto estadounidense. Iguodala tamén é coñecido polos alcumes Iggy ou "O outro AI" (aclarando este último ao dicir que AI son tamén as inicias de Allen Iverson).

Xogou para o seu instituto, Lanphier HS (Illinois), onde firmou medias de 23,5 puntos, 7,9 rebotes e 4,2 asistencias por partido. Estes números outorgáronlle a mención do Chicago Sun-Times Player of the Year.

Iguodala estivo na Universidade de Arizona durante dúas temporadas, anotando 594 puntos totais, 409 rebotes e 95 roubos nos 62 partidos, sendo titular en 34 deles. As súas medias universitarios foron de 9.6 puntos, 6.6 rebotes e 1.53 roubos por encontro.

Iguodala, que pode xogar tanto de escolta tomo de aleiro, mide 1,98 metros de altura e pesa 94 quilos. Chagou á NBA mediante o Draft, resultando a novena elección do Draft da NBA de 2004, dende a Universidade de Arizona. No seu primeiro ano na liga, chegou a ser un gran xogador, terminando o ano dentro do mellor quinteto de Rookies e xogando no Rookie Challenge como titular. Nesas mesmas datas, o xogador trocou o seu dorsal, que ata agora fora o 4, polo número 9; outorgándolle o anterior a Chris Webber. Posteriormente o mesmo Webber deu a coñecer que anteriormente lle regalara un Rolex a Iguodala para que el lle dese o número.

Na temporada 2004-2005 foi o único rookie en conseguir un triplo-dobre, así como o único que disputou os 82 partidos de liga regular como titular (máis 5 de Playoffs). Ao ano seguinte, o que ata agora fora o seu compañeiro de equipo, Allen Iverson, abandonou os Sixers, e Iguodala tomou máis importancia. Iverson volveu á franquía no 2009, e Iguodala xa era un dos líderes do conxunto, cunha alta capacidade atlética para facer mates e un impoñente físico.

Ao seguinte ano, 2010, a ausencia de estrelas de cara ao Mundial de Turquía fixo que USA Basketball chamase á súa porta. Iguodala incorporouse ás filas da selección estadounidense para acudir ao Mundial, onde resultaron imbatidos nos partidos previos ás eliminatorias.

Foi elixido por primeira vez para xogar o All-Star Game da NBA no ano 2012.^[1]

O 10 de agosto de 2012, Iguodala foi traspasado ós Denver Nuggets nun traspaso entre os Sixers, os Los Angeles Lakers, os Nuggets, e os Orlando Magic. Outros dos xogadores traspasados foron os All-Stars Dwight Howard e Andrew Bynum.

• Eleccións All-Star: 2012
• Integrante do NBA All-Rookie (primeiro equipo) na temporada 2003-2004.
• Elixido no equipo dos Rookies para o partido contra os Sophomores do Rookie Challenge de 2005 en Denver.
• Elixido no equipo dos Sophomores para o partido contra os Rookies do Rookie Challenge de 2006 en Houston, elixido MVP pola súa excelente actuación (30 punt. 4 rob. 3 asist. en 12 min.)

• Perfil en NBA.com (en inglés)
• Estatísticas en Basketball-Reference.com Arquivado 14 de outubro de 2013 en Wayback Machine. (en inglés)