Amparo López Jeán

Biografía
Nacemento	(gl) Amparo López Jean 30 de outubro de 1885 Vilaboa, España
Morte	12 de novembro de 1942 (57 anos) Montauban (Francia)
Lugar de sepultura	cemiterio de Santo Amaro da Coruña
Residencia	Culleredo Barcelona Vimoutiers Vichy Valencia Soria Madrid A Coruña Montauban
Actividade
Ocupación	política, suffragette
Partido político	Partido Galeguista
Familia
Cónxuxe	César Alvajar
Fillos	Amparo Alvajar, Ana María Alvajar L. Jean, Javier Alvajar López, María Teresa Alvajar

Rita Amparo López Jean, nada en Vilaboa (Culleredo) o 30 de outubro de 1885 e finada en Montauban (Francia) o 12 de novembro de 1942, foi unha activista galeguista, presidenta da Agrupación Republicana Femenina da Coruña.

Filla de Adela Jeán Toca e de Sabino María López, avogado e secretario do concello de Culleredo, criouse en Vilaboa, onde a súa nai era mestra. Anos máis tarde trasladouse coa nai, xa viúva, á Coruña. Nesta cidade matriculouse no Instituto Eusebio da Guarda da Coruña e posteriormente estudou Maxisterio. Ao mesmo tempo estudou canto e piano baixo a dirección de Xosé Baldomir e pintura con Máximo Ramos. Casada co coñecido político republicano César Alvajar, tivo un papel moi destacado na Agrupación Republicana Femenina entre 1933 e 1936, da que foi secretaria e presidenta. En 1935 ingresou no Partido Galeguista.

Co triunfo da Fronte Popular trasladouse a Soria, onde o seu home fora nomeado Gobernador Civil. Durante a guerra civil o matrimonio viviu en Madrid, Valencia e Barcelona. En Barcelona foi nomeada Secretaria Xeral do Grupo Feminino Galeguista.

Rematada a guerra, exiliouse en Francia, na localidade de Vimoutiers, e tras a ocupación nazi viviu en Vichy e Montauban. Morreu en 1942. Os seus restos foron trasladados ao cemiterio de Santo Amaro no 2006.

Foi a nai de Amparo, Ana María, Javier e María Teresa Alvajar López.

• Pereira Martínez, Carlos (1998). "Mulleres e República. Aproximación ás asociacións de mulleres progresistas na Coruña republicana" (PDF). Anuario Brigantino (21): 255–290. Consultado o 26 de setembro de 2008. 

• Rita Amparo López Jean. Agrupación Cultural Alexandre Bóveda. 20/08/2019
• "Mulleres de Culleredo: Amparo López Jean"
• Pereira Martínez, Carlos (2008). "Amparo López Jeán". Álbum de Mulleres do Consello da Cultura Galega.