PROFILPELAJAR.COM

Zengi
	; Irudi gehiago
Atabeg	; 1127 - 1146 ; ← Mahmud II of Great Seljuq (en) - Nur al-Din Mahmud →
Atabeg
Bizitza
Jaiotza	Alepo, 1087
Herrialdea	Zengid leinua
Heriotza	Qal'at Ja'bar (en) , 1146ko irailaren 14a (58/59 urte)
Heriotza modua	giza hilketa: labankada
Hiltzailea	Yarankash (en)
Familia
Aita	Aq Sunqur al-Hajib
Ezkontidea(k)	Zamarud Khatun (en)
Seme-alabak	ikusi Nur al-Din Mahmud; Qutb ad-Din Mawdud (en) ; Saif ad-Din Ghazi I (en) ; Nasr ed-Din (en) ;
Hezkuntza
Hizkuntzak	arabiera
Jarduerak
Jarduerak	buruzagi militarra eta subiranoa
Zerbitzu militarra
Parte hartutako gatazkak	Siege of Hama (1130) (en) ; Battle of al-Atharib (en) ; Battle of Rafaniyya (en) ; Zengid campaign against Antioch (en) ; Battle of Qinnasrin (en) ; Battle of Ba'rin (en) ; Siege of Aleppo (en) ; Siege of Shaizar (en) ; Siege of Baalbek (en) ; Siege of Edessa (en) ; Fall of Saruj (en)
Sinesmenak eta ideologia
Erlijioa	islama

Imad ad-Din Zengi (arabieraz: عماد الدین زنكي‎; turkieraz: İmadeddin Zengi; 1085 – Damasko, 1146ko irailaren 14a); eskuarki Zengi edo Zangi deitua, turkiar atabega izan zen, 1127-1146 bitartean Mosul, Alepo, Hama eta Edesan agindu zuena. Zengid leinuaren sortzailea izan zen.

Bizitza

Aq Sunqur al-Hajib Alepoko gobernadorearen semea zen. 1094an, Malik Shah I.a sultanak burua ebakiarazi zion Aq Sunqur-i, saldukeria egotzirik; ordudanik, Zengi Kerbogharekin, Mosulgo atabegarekin, hazi zen^[1]. 1127an, Mosulgo atabeg izendatu zuten, eta 1128an Alepokoa. 1130 hasieran Hama bereganatu zuen arren, hiru urte geroago Damaskoko emirrak kendu zion^[2].

1137ko maiatzean, Homs, damaskoarren eskuetan zegoena, setiatu zuen, baina hiriak eutsi zuen; abuztuan, Hamako Montferrand, gurutzatuen gotorlekua, hartu zuen. 1138an, Joan II.a Komneno bizantziar enperadoreak, frankoekin elkar harturik, Shaizar setiatu zuen; Zengiren armada askoz txikiagoa bazen ere, bizantziarren eta frankoen arteko tirabirez baliatu zen setioa bertan behera utz zezaten. Urte bereko abuztuan, Zomorrod printzesarekin ezkondu eta Homs jaso zuen ezkonsaritzat^[2].

1144 amaieran, Edesa eraso eta hartu zuen. Hau izan zen gurutzatuen estatuetako lehenbiziko hiriburua musulmanen eskuetara igaro zena. Ondoren, Edesako Konderria konkistatu zuen Eufrates ibairaino. 1146an, bere erresuma sendotzeko, Qal'at Ja'bar hartzea erabaki zuen; irailaren 14an, hiria setiatua zuela, esklabo franko batek hil zuen^[2].

Erreferentziak

↑ Zangī. in: 2016 Encyclopædia Britannica, Inc. global.britannica.com (Noiz kontsultatua: 2016-06-25).
↑ ^a ^b ^c Mikaberidze, Alexander. Conflict and Conquest in the Islamic World: A Historical Encyclopedia, Volume 1. in: 2016 Encyclopædia Britannica, Inc. books.google.es (Noiz kontsultatua: 2016-06-25).