Talyllyn trenbidea (galeseraz Rheilffordd Talyllyn eta ingelesez Talyllyn Railway) Galesko babestutako burdinbide estua da. Burdinbidearen ibilbideak 7,62 kilometro luze ditu, eta Erdialdeko Galesko kostaldean dagoen Tywyn udalerrian hasi eta Abergynolwyn udalerritik hurbil dagoen Nant Gwernol geltokian amaitzen da. Burdinbidea 1866an ireki zen, Bryn Eglwys harrobiko arbela Tywyn udalerrira ekartzeko asmoz, Erresuma Batuko Parlamentuaren Agiriaren bidez bidaiariak eramateko baimena jaso zuelarik. Hainbat gorabeheren ondoren linea irekia mantendu zen, 1951an bertako bolondresen zaharberritze eta mantentze lanei esker mundu osoko lehenbiziko trenbide historikoa izendatu zutelarik.
Ordutik aurrera turismogune nabarmena bilakatu da, bere makinaria, burdinbide eta trenak berriztatu eta areagotu dituelarik. 1976an trenbidea gaur egungo Abergynolwyn eta Nant Gwernol arteko lineara hedatu zen. 2001an trenbidea mantendu eta kideatzen duen elkarteak bere 50. urteurrena ospatu zuen, 2005an Tywyn Wharf tren geltokia eta Narrow Gauge burdinbide museoa ireki ziren.
Bideoak
Iruditegia
Kanpo estekak
{{#coordinates:}}: cannot have more than one primary tag per page
