Sigmoidoskopia[1] prozedura mediko inbaditzailea da. Ondestearen eta kolon sigmoidearen barrualdea aztertzea ahalbidetzen du, hau da, ondestetik hurbilen dagoen heste lodiaren zatia. Prozedura hori proba diagnostiko gisa erabili ohi da, eta, ikusizko azterketaz gain, biopsiak erauzteko aukera ematen du, terapeutika endoskopikoa egitea ere ahalbidetzen duen arren. Prozedura hori egiteko sigmoidoskopio bat erabiltzen da (endoskopio motz bat), eta horren muturra (hodi mehe bat) pazientearen uzkitik sartzen dute.[2]
