PROFILPELAJAR.COM

Salekhard; Салехард; Пуӆңават; Саляʼ харад
	city of okrug significance (en)
	Irudi gehiago
Administrazioa
Estatu burujabe	Errusia
Errusiako oblastak	Tiumen oblasta
Autonomous okrug of Russia	Jamalia-Nenetsia
Hiri okruga	Salekhard Urban Okrug
Alkatea	Q97760507
Izen ofiziala	Салехард
Jatorrizko izena	Салехард; Пуӆңават; Саляʼ харад
Posta kodea	629000
Geografia
Koordenatuak	66°32′N 66°38′E / 66.53°N 66.63°E
Azalera	28,10 km²
Altuera	15
Demografia
Biztanleria	51.188 (2021); 212 (2020)
Dentsitatea	2.694 bizt/km²
Informazio gehigarria
Sorrera	1595
Telefono aurrizkia	34922
Ordu eremua	UTC+05:00
Hiri senidetuak	Azov
	http://www.salekhard.org

Salekhard^[1] (errusieraz: Салехард; nenetseraz: Саля'харад; itzulita: «penintsulan dagoen bizilekua»), 1933 arte Obdorsk (errusieraz: Обдорск) deitua, Errusiako hiria da, erresumaren ipar-erdialdean dagoen Jamalia-Nenetsia barruti autonomoko hiriburua. 2010ean 42.544 biztanle zituen^[2].

Historia

1595an, Jermak Timofeievitx esploratzailearen ondotik zihoazen errusiar kolonoek Obdorsk kokalekua sortu zuten, lehenago Polnovat-Vozh (errusieraz: Полноват-вож) izeneko khantyen kokalekua zegoen lekuan, Ob ibaiaren ertzean^[3]. Obdorsk inguruko eskualdea Obdorski kraiari zegokion Errusiar Inperioan.

1930. urtean Jamalia berriaren barruan sartu zuten administratiboki; 1933. urtean Salekhard izena ipini zioten; eta 1938. urtean hiri-izaera eman zioten^[4]. 1949tik aurrera, Gulageko 100.000 preso inguruk Igarka (Krasnoiarsk kraia) eta Salekharden arteko trenbidea (Heriotzaren trenbidea ere deitua) eraikitzen lan egin zuten. Milaka preso hil ziren, eta 1953an, Stalin hil ostean, proiektua bertan behera utzi zen^[5].

Geografia

Poluyren ertzean dago, ibai hau Obekin elkartzen den gunean^[4]. Zirkulu Polar Artikoaren lerroaren gainean dagoen hiri bakarra da.

Klima

Salekhardek klima azpiartikoa du, Dfc Köppen klima sailkapenaren arabera.

Datu klimatikoak (Salekhard)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	3.5	1.9	5.7	15.5	24.5	31.6	32.9	29.9	24.8	18.2	7.0	4.1	'
Batez besteko tenperatura maximoa (°C)	−18.8	−18.5	−9.9	−4.0	3.7	14.3	19.7	15.7	8.8	-0.2	−11.3	−16.2	-1.4
Batez besteko tenperatura (ºC)	−23.2	−22.9	−14.9	−9.1	-0.5	9.5	14.8	11.4	5.3	-3.0	−15.3	−20.7	-5.7
Batez besteko tenperatura minimoa (°C)	−27.8	−27.4	−19.9	−14.0	−4.2	5.2	10.0	7.3	2.2	−6.0	−19.5	−25.2	-9.9
Erregistraturiko tenperatura minimoa (°C)	−51.3	−53.7	−47.4	−38.7	−30.8	−11.0	−1.0	−5.5	−9.6	−35.7	−47.1	−51.5	'
Pilatutako prezipitazioa (mm)	23	19	21	26	37	51	65	69	42	46	28	27	454
Euri egunak (≥ 1 mm)	0.1	0	0.5	3	10	17	18	21	20	9	1	0	99.6
Elur egunak (≥ 1 mm)	26	23	23	16	13	2	0	0	3	17	24	27	174
Eguzki orduak	4.0	48.0	135.0	209.0	233.0	270.0	307.0	185.0	96.0	57.0	18.0	0.0	1562
Hezetasuna (%)	83	82	81	78	77	70	72	79	82	86	85	83	79.8
Iturria (1): Pogoda.ru.net^[6]
Iturria (2): NOAA (eguzki-orduak, 1961-1990)^[7]

Ekonomia

Gas natural-hobi ugari daude eskualdean; gasa banatzen duen Novatek konpainiak, Errusiako bigarrenak, bulego nagusiak Salekharden ditu, esate baterako. Aireportua dauka.