Gaztetatik mugimendu sindikaleko partaide aktiboa izan zen eta 1901ean Hungariako Alderdi Sozialdemokratarekin bat egin zuen. Hungariako Lehen Errepublikan Etxebizitzaren Kontseilu Nazionala zuzendu zuen. Alderdi Sozialdemokratak Hungariako Alderdi Komunistarekin bat egitearen aldekoa izan zen, 1919ko martxoaren 21ean.
Hungariako Sobietar Errepublikako estatuburua eta lehen ministroa izan zen 1919ko martxotik abuztura, de facto burua Bela Kun izan zen arren. Errepublika desagertu ondoren, militar errumaniarrek atxilotu egin zuten. Ihes egitea lortu zuen, eta Bratislavara eta gero Vienara iristea. Hungariako errefuxiatuen mugimendu marxista zentristaren buruaa izan zen. Jatetxe bat ireki zuen, porrot egin zuena eta bizitza osoan hondamenean bizi izan zena. 1934an Vienatik ihes egin eta Bratislavara iritsi zen eta 1938an Parisen kokatu zen.
Alemaniak Frantzia okupatu zuenean, ez zuen erresistentzian parte hartu, eta alemanek ez zioten trabarik egin. Hungaria askatu ondoren, bere herrialdera itzultzen saiatu zen, baina agintari berriek ez zioten utzi.
.JPG)
