Pierre Urte
Bizitza
Jaiotza	Donibane Lohizune, 1664ko urtarrilaren 2a
Herrialdea	Lapurdi, Euskal Herria
Lehen hizkuntza	euskara
Heriotza	Londres, 1725 (60/61 urte)
Hezkuntza
Hizkuntzak	euskara
Jarduerak
Jarduerak	itzultzailea, apaiza eta idazlea
Sinesmenak eta ideologia
Erlijioa	Kalbinismoa

Pierre Urte (bere garaian, frantsesezko grafiaz, Pierre d'Urte), (Donibane Lohizune, Lapurdi, 1664ko urtarrilaren 2 – Londres, Ingalaterra, 1725-30) euskal idazlea eta apaiza izan zen.

Erlijioz katolikoa zen, baina kalbinista egin eta erbestera alde egin behar izan zuen. Londresa joan zen. Han, John Chamberlayne eta David Wilkins hizkuntzalariekin harremanak izan zituen. Hiru liburu idatzi zituen, baina ez zuen, bizi zela, argitaratzerik izan. 1894an, Dodgsonek antolatuta, argitaratu zen lehena, The Earliest Translation of the Old Testament into the Basque Language (Biblia Saindua. Testament Çaharra eta Berria) izenburupean. Bibliaren Genesia (Ethorquia) eta Exodoaren (Ilkhitcea) zati bat bakarrik itzuli zituen. 1895an, Websterrek Dictionarium Latino-Cantabricum euskara-latina hiztegi amaitu gabea argitaratu zion, «quizá por el mismo excesivo detalle con que lo concibió y quiso realizarlo, no comprende más que las tres primeras letras» (Mitxelena 1960, 90. or.). 1896ean, Grammaire Cantabrique Basque beste lana argitaratu zion ere.

• Biblia Saindua. Testament Çaharra eta Berria. (Londres, 1894). Liburua digitalizaturik ikus Gallica-n.

• Le dictionnaire latin-basque (Baiona, 1895). Liburua digitalizaturik ikus Gallica-n.

• 

  Grammaire Cantabrique basque (Toulouse, 1896). Liburua digitalizaturik ikus Gallica-n.

• Lapurdiko idazleak
• Euskal hiztegien zerrenda

• Pierre Urte Literaturaren Zubitegian
• (Gaztelaniaz)(Ingelesez)"Gramaire Cantabrique" on-line (EMD - Sancho el Sabio Fundazioa)
• (Gaztelaniaz)(Ingelesez)"Dictionarium Latino-Cantabricum" on-line (EMD - Sancho el Sabio Fundazioa)

1. ↑ .