Otago eskualdeaentzunⓘ (ofizialki Otago Regional Council) Zeelanda Berriko eskualde bat da. Hego Uhartean dago, hego ekialdeko kostaldean. Dunedin da eskualdeko hiri nagusia.
"Otago" izena "Ōtākou" maorierazko hitzaren hegoaldeko ebakera lokala da eta portuko sarreran zegoen maori herria izendatzen zuen. Terminoaren esanahi zehatza eztabaigarria da, "herri isolatua" eta "lurralde gorriaren lekua" bezalako itzulpenak proposatu dira. "Otago" da, halaber, Europako kokalekuaren izen zaharra, Weller anaiek 1831n ezarria.
Dunedin hiri nagusiaz gain, aipagarriak dira Queenstown eta Wānaka turismo zentro nagusiak, hegoaldean dagoen Kaitangata ikatz-iturri garrantzitsua, eta erdialdean garatu den ardogintza. Waitaki eta Clutha ibaiak dira herrialdeko energia hidroelektrikoaren iturriak.
