Osasunaren Munduko Egunean, 2022ko apirilaren 7an, mundu zuzenago eta osasuntsuago bat eraikitzeko kanpaina berri batean parte hartzera gonbidatzen zaitugu. Laster xehetasun gehiago argitaratuko ditugu hemen, baina jarraian azalduko dizugu zergatik egiten dugun:

Gure munduan desberdintasunak daude COVID-19ak agerian utzi duenez, pertsona batzuek beste batzuek baino bizitza osasuntsuagoa eta osasun-zerbitzuetarako sarbide hobea ere izan dezakete, beren jaiolekuaren edo bizilekuaren arabera eta lanean edo zahartzaroan dituzten baldintzen arabera.

Mundu osoan, pertsona asko borrokan aritzen dira egunero dituzten diru-sarrera apurrekin hilaren amaierara iritsi ahal izateko; etxebizitza- eta hezkuntza-baldintza okerragoak dituzte, enplegu-aukera gutxiago dituzte, genero-desberdintasun handiagoa dute eta ingurune seguruak, ura eta aire garbia, elikadura-segurtasuna eta osasun-zerbitzuak eskuratzeko aukera gutxi edo batere ez dute. Horrek guztiak beharrezkoak ez diren sufrimenduak eragiten ditu, bai eta saihets daitezkeen gaixotasunak eta heriotza goiztiarrak ere. Eta gure gizarteei eta ekonomiari kalte egiten die.

Hori ez da bidegabea bakarrik: ekidin ere egin daiteke. Horregatik liderrei eskatzen diegu berma dezatela pertsona guztiek osasun ona eduki ahal izateko bizi- eta lan-baldintzak izatea. Aldi berean, liderrei eskatzen diegu osasunaren arloko desberdintasunak gutxitzeko eta pertsona guztiek kalitatezko osasun-zerbitzuak behar dituztenean eta behar dituzten lekuetan erabili ahal izatea bermatzeko.

COVID-19ak gogor astindu ditu herrialde guztiak, baina haren eragina nabarmenagoa izan da jada kalteberak ziren lekuetan, gaixotasunetarako arrisku handiagoa baitute, kalitatezko osasun-zerbitzuetara iristeko aukera gutxiago, eta pandemiari eusteko aplikatutako neurrien eraginez ondorio kaltegarriak izateko aukera gehiago.