Orléans Orléans
Frantziako udalerria
Irudi gehiago
Administrazioa
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Erdialdea-Loira Harana
Departamendua	Loiret
Alkatea	Olivier Carré
Izen ofiziala	Orléans
Jatorrizko izena	Orléans
Posta kodea	45000 eta 45100
Geografia
Koordenatuak	47°54′08″N 1°54′15″E / 47.9022°N 1.9042°E / 47.9022; 1.9042
Azalera	27,48 km²
Altuera	118 m, 90 m eta 124 m
Mugakideak	Fleury-les-Aubrais, La Ferté-Saint-Aubin, Olivet, Ardon, Saint-Cyr-en-Val, Saint-Jean-de-Braye, Saint-Jean-de-la-Ruelle, Saint-Jean-le-Blanc, Saint-Pryvé-Saint-Mesmin, Saran eta Semoy
Demografia
Biztanleria	116.344 (2022ko urtarrilaren 1a) −273 (2021)
61.181 (%52,6)   (%47,7) 55.504
Dentsitatea	4.234 bizt/km²
Informazio gehigarria
Ordu eremua	UTC+01:00 eta UTC+02:00
Hiri senidetuak	Lugoj (en) , Krakovia, Dundee, Treviso, Kristiansand, Wichita, Tarragona, Utsunomiya, Parakou, Münster, Saint-Flour, Yangzhou, New Orleans eta Meknes
orleans.fr eta orleans-metropole.fr

Orléans Frantziako erdialde-iparraldeko hiria da, Erdialdea-Loira Harana eskualdeko eta Loiret departamenduko hiriburua. 113.126 biztanle zituen 1999an, 4.117 biz./km2-ko dentsitatearekin. Loira ibaiak udalerria zeharkatzen du.

Merkataritzagunea da (ozpina, laboreak, ardo apartsuak) eta industriagunea (kautxua, zeramika, tabakoa). Aipagarriak dira udaletxea (Errenazimentukoa) eta katedrala (gotikoa), besteak beste.

Galiako lurraldea izan zen antzina, karnutoen mendekoa, K.a. 52. urtean Zesarrek konkistatu eta suntsitu zuen arte. Aureliano enperadoreak berriro eraiki zuen. Bandaloek lagunduta, alanoek Loira zeharkatu zuten 408an eta bere taldeetako batek, Goar buru zuela, indar armatu erromatarrekin bat egitea onartu zuen. Flavio Aeziok Loiran eta Orleansen ezarri zuen. Baina bertakoek oso gaizki hartu zituzten alanoak sartzea. Ordainketa arazoak izan zirela medio, alanoek Orleanseko senatariak hil zituzten.

Orleansen ere, Sangiban erregearen agindupean, alanoek Aezioren indarrekin bat egin zuten Atilaren aurka, honek Galia inbaditu zuenean 450 inguru. Atilak Orleans setiatu zuen 451n, non Aezio, Merovio eta Teodorikoren koalizio batek garaitu zuen hunoen gudarostea. Katalauniako Zelaietako Guduan parte hartu zuten.

Ehun Urteko Gerran ingelesen erasoaren kontrako erresistentzia-gune nagusia izan zen, eta haien mende geratu ondoren Joana Arc-ekoak askatu zuen berriro. 1561ean higanotek hartu zuten, baina geroago katolikoek setiatu zuten, Guise-ko kondea buru zutela.

Datu klimatikoak (Orléans (1981–2010))
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	16.6	21.4	26.5	29.8	32.7	36.9	40.3	39.9	33.8	30.1	21.8	18.6	40.3
Batez besteko tenperatura maximoa (°C)	6.7	7.9	12.1	15.2	19.1	22.6	25.4	25.2	21.3	16.4	10.4	7.0	15.8
Batez besteko tenperatura minimoa (°C)	1.1	0.9	3.0	4.8	8.6	11.5	13.3	13.2	10.5	7.9	4.0	1.7	6.7
Erregistraturiko tenperatura minimoa (°C)	-19.8	-16.4	-12.9	-4.5	-3.0	0.8	3.7	4.2	-0.8	-4.5	-15.3	-16.5	-19.8
Pilatutako prezipitazioa (mm)	52.3	44.4	46.4	49.4	64.2	44.8	59.9	50.0	50.5	64.4	58.0	58.2	642.5
Prezipitazio egunak (≥ 1 mm)	10.7	9.4	9.8	9.7	10.6	7.6	7.5	6.9	8.2	10.5	10.5	10.7	112.0
Eguzki orduak	66.4	87.3	140.5	176.2	207.0	216.6	221.3	224.6	179.2	121.1	70.6	56.6	1767.3
Hezetasuna (%)	89	85	79	74	76	74	72	72	77	84	89	90	80.1
Iturria (1): Météo France[1][2]
Iturria (2): Infoclimat.fr (hezetasuna, 1961–1990)[3]

• New Orleans

• (Frantsesez) Hiriko webgune ofiziala