2015ean, Krimearen anexio errusiarraren ondoren, Rozvadovskak lana utzi zuen, Slovianskera joan zen bizitzera[3] eta Ukrainako «zona grisean» haurrei eta haien familiei laguntzen hasi zen[5][8][7]. Boluntario gisa, ez da inolako erakunde erlijioso edo laikoko kide, nahiz eta askotan erakunde handiagoekin kolaboratzen duen[5].
2019an, Voices of Children (ukraineraz: Голоси дітей, translit.: Holosy ditei) erakundea sortu zuen Azad Safarov zinemagilearekin batera[8][7]. Safarov A House Made of Splinters dokumentala filmatzen ari zen garai hartan, eta Rozvadovska dokumentalaren tokiko koordinatzailea izan zen Lysytxansken filmatzen ari zen bitartean[8]. Erakundeak laguntza psikologikoa eskaintzen die Ukraina eta Errusiaren arteko gatazkak kaltetutako haurrei[9][10] eta haurrek euren emozioak adierazteko eta prozesatzeko aukera ematen duten sormen-programak antolatzen ditu[10].
2022ko otsailean, Ukrainako inbasioaren ostean, Rozvadovska eta bere lankideak Lviveko oblastera joan ziren eta urrunetik zerbitzuak eskaintzen jarraitu zuten eskualdetik ihes egiten zuten familientzako laguntzak antolatzen saiatzen ziren bitartean[11]. 2023an, Voices of Children erakundeak 100 psikologo inguru eta 14 zentro izan zituen Ukraina osoan[12].
2023an, War through the Voices of Children argitaratu zuen[8].
