Melissa Auf der Maur
Irudi gehiago
Bizitza
Jaiotza	Montreal, 1972ko martxoaren 17a (52 urte)
Herrialdea	Kanada
Familia
Aita	Nick Auf der Maur
Ama	Linda Gaboriau
Hezkuntza
Heziketa	Concordia University (en) F.A.C.E. School (en)
Jarduerak
Jarduerak	egile abeslaria, argazkilaria, zinema ekoizlea, musikaria, blogaria, aktorea, abeslaria, gitarra-jotzailea, modeloa, disko-ekoizlea eta estudioko musikaria
Kidetza	Hole Hole
Genero artistikoa	rock rock alternatiboa rock-and-rolla
Musika instrumentua	baxua gitarra ahotsa bass instrument (en)
Diskoetxea	Capitol Records
xmadmx.com

Melissa Gaboriau Auf der Maur (bakarlari izena: Auf der Maur; Montreal, Kanada, 1972ko martxoaren 17a)^[1] kanadar egile-abeslaria, baxu- eta gitarra jotzailea, aktorea,^[2] zinema ekoizlea eta modeloa da. Hole eta The Smashing Pumpkins musika taldeetako kidea izan zen.

1972ko martxoaren 17an jaio zen Kanadako Montreal hirian. Gurasoak Nick Auf der Maur kazetari eta politikaria eta Linda Gaboriau literatur itzultzailea izan ziren. Bere ama hizkuntza ingelesa da, nahiz eta gero frantsesa eta espainiera ikasi zituen. Haurtzaroaren zati bat Kenyan pasatu zuen amarekin batera, baina berehala Montrealera itzuli zen, eta hantxe ikasi zuen argazkilaritza Concordia Universityn.

Auf der Maurrek Billy Corganekin adiskidetasun harremana hasi zuen, neskak lagun baten jarrerarengatik barkamena eskatu ostean, The Smashing Pumpkins taldeari garagardo botila bat bota baitzion Kanadan emandako kontzertu batean. Gero, bere taldeak, Tinkerrek, The Smashing Pumpkinsen aurkezpena ireki zuen Montrealen, 1993. urtean.

1994an Corganek, Kristen Pfaff hil eta gero, Courtney Loveri gomendatu zion Melissa Hole bandarako baxu-jotzaile lanetan integratzeko. Reading Festival baino bi aste lehenago sartu zen Holen, eta partaidea izan zen Celebrity Skin albuma grabatu arte. Azkenean, 1999ko urriaren 20an utzi zuen taldea.

1999ko irailean D'arcy Wretzkyk The Smashing Pumpkins taldea utzi zuenean (MACHINA/The Machines of God taldearen grabazioaren ostean), Melissa Sacred and Profane promozio birarako gonbidatu zuten baxu-jotzaile lanetarako. Gainera, albumaren hiru promozio-bideoetatik bitan agertu zen.

2000ko abenduaren 2an The Smashing Pumpkins taldea banandu ostean, Auf der Maur abeslariak Black Sabbath taldearen omenezko Hand of Doom taldean parte hartu zuen. The Chelsea taldearekin batera ere jo zuen Los Angelesen.

The Smashing Pumpkins Melissa taldean Sacred and Profane promozio biran parte hartu zuen baxua jotzen.

2002an, Melissak "Le grand secret" abestian kolaboratu zuen abeslari gisa, Indochine musika talde frantsesaren Paradize albumean. Gainera, single beraren bideo musikalean agertu zen, Nicola Sirkisekin batera. Ryan Adamsen Rock n Roll (2003) diskoko "Do Miss America" abestian kantari gisa parte hartu zuen kanadarrak.

2004ko azaroan, Auf der Maurrek HIMen Love Metal albumaren promozio biran parte hartu zuen. Urte berean, Matthew Gooden Put Out Your Lights promozio biran parte hartu zuen, eta birako aurkezpenak egin zituen.

Urte horretan bertan, Melissak bakarkako ibilbideari ekin zion Auf der Maur izenarekin, eta izen hori eman zion Capitolek argitaratutako bere lehen albumari. "Followed the Waves", "Real A Lie" eta "Taste You" abestiei esker, arrakasta handia lortu zuen diskoak.

2008ko azaroan EP bat atera zuen, hiru kantu berrirekin: "This Would be Paradise", EPari izena ere ematen ziona, "The Key" eta "Willing Enabler".

Melissa Auf der Maurrek bi disko gutxienez kaleratu ditu, Auf der Maur eta Out of our Minds, "This Would be Paradise" izeneko EPaz gain.

Gainera, baxu-jotzaile gisa, Melissa Auf der Maurrek Holeren Celebrity Skin albumean eta The Smashing Pumpkinsen Judas 0 albumean parte hartu du. Abeslari lanetan, Hand of Doom-en Live in Los Angeles albumean parte hartu zuen.

Besteak beste, lan hauexetan hartu du parte:^[3]