Manuela Burló
Bizitza
Jaiotzako izen-deiturak	Manuela Burló Moreno
Jaiotza	Cieza, 1978 (46/47 urte)
Herrialdea	Espainia
Hezkuntza
Heziketa	ESAD ECAM NIC
Hizkuntzak	gaztelania
Jarduerak
Jarduerak	gidoilaria eta film-zuzendaria
Lan nabarmenak	ikusi Cómo sobrevivir a una despedida (en)
manuelamoreno.com

Manuela Burló Moreno (Cieza, Murtzia, 1978) murtziar zinema-zuzendaria eta gidoilaria da.^[1][2][3][4]

Manuelak oso modu alaian gogoratzen du haurtzaroa, neba-arrebez inguratuta, gurasoen dendan. Bera bost neba-arrebetatik laugarrena da, jarrera korapilatsu samarra, eta horrek irudimen izugarria ematen zion gezurretan aritzeko, “atentzioa erakartzeko egiten zuen, horregatik uste du istorioak kontatzea gustatzen zaiola, txikitatik gezurra esan baitzituen”. Gainera, gurasoen dendara joaten ziren pertsonak entzun eta behatzen zituen.^[5]

Manuela Burló Moreno Arte Dramatikoan lizentziatu zen Murtziako Arte Dramatikoko Goi Eskolan (ESAD). GeroMadrilgo Erkidegoko Zinematografia eta Ikus-entzunezko Eskolan (ECAM) eta Madrilgo Zinemaldi Institutuan (N.I.C) amaitu zituen ikasketak.^[1]

Manuela Burló gizarte-sareal alde batera uztea erabaki duen pertsona-talde txiki horretakoa da, ez du haiekin denbora galdu nahi eta.^[5]

Debuta Dolores film laburrarekin egin zuen. Sari ugari nazional eta nazioartekoak jaso zituen, hala nola, Kaliforniako José Cine Zinemaldian. Bere film labur guztiak Canal Plus, TVE eta hainbat herrialdetako telebistek erosi eta eman dituzte.^[1]

Ondoren, LO SÉ (Proiekturik onena Medina del Campoko XXV. jaialdian eta Malagako XVI. Zinemaldian saritua) film laburra egin zuen. Ibilbide luzea egin du film laburren munduan, eta bere lanek ehun sari baino gehiago jaso dituzte mundu osoan. Horietako bat Oscar sarietarako ere hautatu zuten. PIPAS izeneko film laburrak gidoi eta zuzendaritza hoberenaren sariak irabazi zituen Notodofilmfest-en,^[6] eta Goya sarien XXVIII. edizioan izendatu zuten film labur onenaren sarirako.^[6]

Manuelak gogoraratzen du Goya Sarien gala txikitatik ikusten zuela, eta konturatu zela hautatutako filmen %99 gizonek zuzentzen zutela, eta hori, zorionez, aldatzen ari dela, baina azken aldian.

“Ni film laburren jaialdietara joaten nintzen, eta ikusten nuen epaimahaia gizonek baino ez zutela osatzen. Eta gogoan dut egiten ari nintzen ikasle sasoian ikusten nituen film guztiak gizonek zuzentzen zituztela. Baina zorionez, badira ICAArena bezalako laguntzak, berdintzen hasteko beste erremediorik izan ez dutenak; izan ere, benetan ez diogu inori lana kendu nahi, baldintza-berdintasuna nahi dugu”. ^[5]

Bestalde, emakume izate hutsagatik esperientzia bidegabeak bizi izan zituen lan egin duen filmazio batean. Batzuetan zalantzan jarri zituen portaera batzuk ikusten zituen, eta pentsatzen zuen mutil bat izanez gero, ez zatekeela horrela izango. Burló uste du oraindik asko dagoela egiteko, eta emakumeek lanean jarraitu behar dutela emakume izate hutsagatik, eta hori nekagarria dela harentzat eta gainerako lankideentzat.^[5]

Manuela Burlók bat egin zuen 'El Tren de la Cultura' ikus-entzunezko elkarrizketekin. ElPlural proiektua da, Renferekin eta Tresimedia ikus-entzunezko ekoizlearekin elkarlanean egina, eta sorkuntzaren munduko pertsona ospetsuen barnealdera eta ingurunera bidaiatu zuen. Paula Vázquez aktore eta telebistako aurkezlea, Lucía Grávalos sukaldaria, César Portela arkitektoa, Berta Castañé aktorea, Jordi Sarrà argazkilaria, Paula Bonet margolaria, Celia B diseinatzailea, Benito Zambrano zinemagilea, Guillem Clua dramaturgoa, La Love You taldea, Chus Western dantzaria, Alice Wonder abeslari eta konpositorea, Raúl Tejón aktorea eta Okuda San Miguel diziplina anitzeko artista dira ibilbide horretako gainerako protagonistak.^[5]

2015ean, Nostromo Pictures produkzio-etxearen eskutik egin zuen film luzerako jauzia, Cómo sobrevivir a una despedida komedia zuzentzeko agindu zion eta. Natalia de Molina, Úrsula Corberó, Brays Efe, Celia de Molina eta María Hervás dira filmeko protagonistak. Atresmediak ekoitzi eta DeaPlanetak banatu zuen filma.^[1]

2016. urtean Rumbos izeneko bigarren film luzea estreinatu zuen, gidoi pertsonal batekin. Pilar López de Ayala, Karra Elejarde, Carmen Machi, Miki Esparbé, Nora Navas, Fernando Albizu, Ernesto Alterio, Rafa Ordorika, Emilio Palacios eta Christofer Torres izan ziren filmeko protagonistak. Arcadia Motion Pictures eta Atresmediak ekoitzi zuen eta Sny Picturesek banatu zuen.

2020an estreinatu zuen Por H edo B izeneko seriea HBOrako, Globomedia (The Mediapro Studio) eta Lacoproductorak ekoitzia eta protagonistak Marta Martín eta Saida Benzal izan ziren Hache eta Belén, Parlaren bi lagun, eta Malasañan elkartu zuren berriro. Pipas film laburraren spin-off-a. 2022an bigarren denboraldia berritu zen.

Zuzendari eta gidoilari egin zituen lehen lanetan Manuela Moreno, bere bigarren deitura izenarekin sinatu zuen, bere lehen deitura, Burló, aktore lanetarako erabilita. Bere filmik pertsonalenarekin, Rumbos lanarekin, hasi zen Manuela Burló Moreno izenaz sinatzen.^[7]