EHUn soziologiako gradua eta Ikasketa Feministen eta Generokoen masterra ikasita ditu eta ikasketa feministen programan doktoregaia da.
Berria egunkarian aritua, eta, BerriaFM podcast feministako gidaria[2] Batik bat politika gaiak lantzen ditu ikuspegi feministatik, eta euskal gatazkaren ondorioei heltzen die begirada horretatik, orain arte ertzean egondako subjektuei ahotsa eman asmoz.[3]
Gaurkotasunaren analisi politikoa eta Komunikazioa.
"Askotarikoa da pairatutako biolentzia, eta hori alde guztietako andreek bizi izan dute"
Feminista
Hamahiru edo hamalau urterekin, kuadrillako lagunekin batera hasi zen Maider feminismoari buruzkoak irakurtzen. Urtebete beranduago, hamabost urterekin ikuspegi feminista barneratuta, militantziari ekin eta Mugimendu Feministaren parte izanda, gero egindako ikasketa eta lanak kezka horretatik ere abiatuta egin ditu. Berriako erredakzio lanetan zein Klitto! atari digitalean feminismotik landu ditu gaiak, eta bere doktoretza tesian Euskal gatazka ikuspegi feministatik ikertzen ari da.[2]
Oso beharrezkoa iruditzen zait mundua euskaraz eta feminismoaren begiradatik kontatzea; radar hori aktibatuta edukiko ez banu, zerbait faltako litzaidakeela sentituko nuke
Txiotesia
Txiotesia lehiaketan parte hartu zuen.[5] Oso dibertigarria eta interesgarria iruditu zitzaion. Lanerako eta aisirako erabiltzen du Twitter, eta gaia ezagutarazteko aukera aproposa izan zen. Sintesi ariketa bat ere bai, eta lan akademikoa modu dibulgatiboago batean nola azaldu pentsatzeko dinamika ona iruditu zitzaion. Egiten ari diren beste ikerketen berri izateko ere egitasmo bikaina suertatu zitzaion.[1]
Sariak
2022an Kazetaritza Digitala-Narratiba Berriak saria jaso zuen Berria FM podcasta gidatzeagatik.[6][7]
