Jon Barrenetxea
Irudi gehiago
Bizitza
Jaiotza	Gamiz-Fika, 2000ko apirilaren 20a (24 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	txirrindularia
Ibilbidea
Taldeak	Urteak
Caja Rural-Seguros RGA	2021-2023
Cafés Baqué	2019-2020
Movistar Team	2024-
Parte-hartzailea 2021 UCI World Ranking (en) (2.301.) 2021 UCI Europe Tour (en) (1.534.) 2022 UCI World Ranking (en) (1.936.) 2022 UCI Europe Tour (en) (1.245.) 2023 UCI World Ranking (en) (438.) 2024 UCI World Ranking (en) (392.)

Jon Barrenetxea Golzarri (Gamiz-Fika, 2000ko apirilaren 20a - ) euskal txirrindularia da, gaur egun Movistar Team talde profesionalean aritzen dena.

Jon Barrenetxea zortzi urterekin hasi zen txirrindularitzan. Mungiako Valentin Uriona Txirrindularitza Eskolan ikasi zuen, bere anaia nagusia den Mikelekin.

Gazteen kategorietan, euskal txirrindulari onenetakoa izan zen. Kadetetan, hamahiru garaipen lortu zituen, horien artean txapelketa ospetsu batzuk. Junior mailan ibilbide arrakastatsua izan zuen, hogei garaipen lortu zituelarik, horien artean nabarmentzekoa da 2018ko Espainiako txapelketa. Urte berean, Europako txapelketetan lehiatu zen 43. postuan amaituz baita Munduko txapelketan ere, 36. postua lortuz.

2019an Baqué-Ideus-BH taldera pasatu zen, afizionatuetan, unibertsitateko ekonomia ikasketekin jarraitzen zuen bitartean. Uztailean, 23 urte baino gutxiagoko txirrindularientzat den Antzuola Saria eskuratu zuen.^[1] Denboraldi horren amaieran, berriz, ez zuen garaipenik lortu, apendizitisaren ebakuntza bat zela eta.

2020an afizionatuen mailan nabarmendu zen garaipen ugari lortuz (Zumaiako Saria, Goierriko Itzulia, Nafarroako Txapelketa, San Gregorio Saria).^[2] Bere lan onekin Euskaldun Txapelketa irabazi zuen (Euskal Herriko 26 urtetik beherako txirrindularientzat hainbat proba biltzen dituena). Urriaren 11n, denboraldi ederra burutu zuen, Balentziaga Memoriala irabazita eta bestetik, ibilbide malkartsu batean jokatutako Espainiako Kopa afizionatuarentzako.

2021ean profesionaletara pasatu zen, Caja Rural-Seguros RGA taldean hain zuzen, Movistar eta Euskaltel-Euskadi taldeen proposamenak jaso arren.^[3]

2023ko denboraldiaren amaieran, hurrengo bi urtetarako kontratua sinatu zuen Movistarrekin.^[4]

2018

• Espainiako errepideko txirrindularitza txapelketa (junior mailan)

2019

• Antzuola Saria

2020

• Nafarroako errepideko txapelketa
• Euskaldun Txapelketa
• Zumaiako Saria
• Goierriko Itzulia
• San Gregorio Saria
• Balentziaga Memoriala
• 2. San Juan Sari Nagusian
• 3. Lehendakari Txapelketan

2022

• Andaluziako Itzuliko Mendiko sailkapena
• Greziako Itzuliko Gazteen sailkapena

2023

• Euskal Herriko Itzuliko Mendiko sailkapena
• 3. Boucles de l'Aulnen
• 6. Espainiako errepideko txirrindularitza txapelketan
• 9. Alentejoko Itzulian

2024

• Getxoko Zirkuitua

—: ez zuen parte hartu
UT: utzi, ez zuen amaitu

—: ez zuen parte hartu
UT: utzi, ez zuen amaitu

Lasterketa		2021	2022	2023	2024
	Milan-San Remo	—	—	—	42.
Amstel Gold Race		—	—	—	UT
Donostia Klasikoa		UT	UT	—
Europako errepideko txap.		—	—	51.
Espainiako errepideko txap.		36.	UT	8.
Espainiako elojupeko txap.		—	14.	18.

—: ez zuen parte hartu
UT: utzi, ez zuen amaitu

• Caja Rural-Seguros RGA - (2021-2023)
• Movistar Team - (2024-)

• Jon Barrenetxea - ProCyclingStats