Jarilaos Vasilakos (grezieraz: Χαρίλαος Βασιλάκος; Tripoli, 1877 – Atenas, 1964ko abenduaren 1a) greziar atleta izan zen.
Zuzenbidea ikasi zuen Atenasko Unibertsitatean eta lehen auzialdiko epaitegietan lan egin zuen. Panellinios SG kirol taldeko kidea izan zen eta atleta ospetsua. 1896ko Joko Panhelenikoetan maratoia irabazi zuen, proba atletiko hau irabazi zuen lehen pertsona bihurtuz. 1896ko Atenasko Olinpiar Jokoetan maratoi proban parte hartu zuten hamazazpi korrikalarietako bat izan zen. Zilarrezko domina irabazi zuen, Spiridon Louisen atzetik bigarren geratu baitzen. Jokoen ondoren Grezian ibilketa atletikoa sustatzeari ekin zion eta 1900. urtean 1000 metroko proban Greziako txapeldun izan zen. Profesionalki aduana-zuzendaria izan zen Greziako Finantza Ministerioan.
