Hugh Lawson Shearer (Martha Brae, Trelawney, 1923ko maiatzaren 18a - Kingston, 2004ko uztailaren 15a) jamaikar sindikalista eta politikaria izan zen. Jamaikako lehen ministroa izan zen 1967tik 1972ra.
Kazetari gisa lan egin zuen eta 1941ean The Jamaica Worker egunkari sindikaleko plantillan sartu zen. Diputatua izan zen 1955etik 1959ra, eta senataria 1962tik 1967ra.
1967an Alderdi Laboristaren hautagaia izan zen hauteskundeetan eta apirilaren 11n lehen ministro kargua hartu zuen. Bere gobernu aldia oparotasunekoa izan zen turismoa eta alumina findegien eraikuntza bultzatu ondoren.
Hezkuntzaren bultzadarekin batera, bigarren hezkuntzako ikasleen kopuruak ere gora egin zuen. Shearerrek 1972ko hauteskundeak galdu zituen Michael Manleyren aurka.
Ondoren, lehen ministrorde eta Kanpo Arazoetako ministro izan zen 1980 eta 1989 artean, Edward Seagaren gobernuan.
.svg){kind=logo}
