Hirutasun Santuaren abadia (Venosa)

Hirutasun Santuaren abadia (Venosa)
Kokapena
Herrialdea Italia
Italiako eskualdeak Basilicata
ProbintziaPotenzako probintzia
Italiako udalerriVenosa
Koordenatuak40°58′10″N 15°49′39″E / 40.9695°N 15.8276°E / 40.9695; 15.8276
Map
Historia eta erabilera
Erlijioakatolizismoa
ElizbarrutiaRoman Catholic Diocese of Melfi-Rapolla-Venosa (en) Itzuli
IzenaHirutasun
Arkitektura
EstiloaArkitektura paleokristaua
Ondarea
Webgune ofiziala

Hirutasun santuaren abadia, (italieraz: Abbazia della Santissima Trinità), Venosan dagoen abadia katoliko bat da, Potenzako probintziako Vulture eskualdean, Italiako hegoaldeko eskualdean, Basilicata deitua. Abadiako multzoaren arkitekturak erromatar, lonbardiar eta normandiar estiloen eraginak ditu. Multzoa Venosako Parke Arkeologikoan ("parke arkeologikoa") dago, herritik 1,5 kilometro ipar-ekialdera; Melfi-Rapolla-Venosa elizbarruti katolikoan dago. Multzoa, garai ezezaguneko eliza zahar batez, monasterioko eraikinez eta "Incompiuta", amaitu gabeko eliza edo eliza berriaz osatua dago, XI. mendearen amaieran hasi eta sekula amaitu ez zena. Multzoa Monumentu Nazional izendatua izan zen 1897ko azaroak 20ko Errege Dekretu baten bidez[1] [2].

Historia

Ez da ezagutzen zein egunetan eraiki zen monasterioa; zenbait elementu VIII. mendekoak izan daitezke. Urte berean aita santuak Roberto Guiscardo Puglia eta Calabriako duke izendatu zuen, eta Guiscardek abadia bere domeinuen gune erlijioso bihurtu zuen.

1297an, komunitatea jada bideragarria ez zela argudiatuz[3], Bonifazio VIII.a aita santuak abadia San Benitoren Ordenatik Ospitaleko Zaldunetara igarotzea agindu zuen (Maltako ordena) .

Eraikuntza

Eliza, antzinako erromatar eraikin inperial bat zegoen tokian dago, ziuraski domus bat, aurretik errepublikar okupazio baten eta beranduago Antzinaro berantiarrean egindako aldaketa baten arrastoak dituena. Elizaren horma batzuk, zuzenean, hasierako egiturako mosaikoen pisuetan eraikita daude.

Abadiak Altavillatarren hilobia du, non normandiar familiako bost kideak lurperatuta dauden: Guillermo Brazo de Hierro, Drogo, Hunifredo, Guillermo del Principado eta Roberto Guiscardo.

Bere hezurrak, aurretik bereizita lurperatuak, monumentu bakar batean bildu zituen XVI. mendearen erdialdean Agostino Gorizio Novarako Barbak, Maltako Ordenaren bailegoak.

Abadian dagoen beste hileta monumentu bat Alberada Buonalbergoren hilobia da, Roberto Guiscardoren lehen emaztea, Salernoko Sichelgaita printzesak arbuiatu zuena.

Elizaren hegoaldean eta harekiko angelu zuzenean orientatua, basilika paleokristau baten aztarnak daude, ziuraski V. mendearen amaieran edo VI.aren hasieran eraikia, bataiarri hexagonal batekin abside trifolio batean.

Irudi galeria

Bibliografia

  • Corrado Bozzoni (1979). Saggi di architettura medievale: la Trinità di Venosa, il Duomo di Atri. Roma: Università degli studi, Istituto di fondamenti dell'architettura.
  • Antonio Canino (1980). Basilicata, Calabria. Milano: Touring Club Italiano. ISBN 8836500218.
  • Emanuele Lauridia (1961). La chiesa della SS. Trinità di Venosa: monumento nazionale dal 20-XI-1897. Bari: Arti grafiche Laterza.
  • Antonio Vaccaro (1998). Guida di Venosa. Edizioni Osanna.

Erreferentziak

  1. ↑ (Italieraz) Salvatore, Mariarosaria. (1984). Venosa, un parco archeologico ed un museo: come e perché. Editrice Scorpione (Noiz kontsultatua: 2020-05-10).
  2. ↑ (Italieraz) Venosa, Città di. «Cultura - Abbazia della SS. Trinità» www.comune.venosa.pz.it (Noiz kontsultatua: 2020-05-10).
  3. ↑ (Ingelesez) Luttrell, Anthony. (2007-01-01). Studies on the Hospitallers After 1306: Rhodes and the West. Ashgate/Variorum ISBN 978-0-7546-5921-1. (Noiz kontsultatua: 2020-05-10).

Kanpo estekak