Hegoafrikako Teleskopio Handia (Southern African Large Telescope edo SALT bere ingelesezko siglengatik), 11 metroko ispilu segmentatu bat duen teleskopio optiko bat da, Karoo Handia izeneko ordokian dagoena, Hegoafrikako Sutherland hiritik gertu. Teleskopioa. Hegoafrikar Behatoki Astronomikoaren zati da.
SALT, Hego hemisferioko teleskopiorik handiena da, eta munduko handienaren tamaina berekoa. Astronomoei, rain arte iristerik ez zegoen objektuak aztertu eta argazkiak ateratzea ahalbidetuko die.
Hegoafrikarekin batera, teleskopio honen eraikuntzan, Poloniak, Zeelanda Berriak, Erresuma Batuak eta Alemaniak parte hartu dute. Eraikuntza 2000n hasi eta 2005ean amaitu zen. Eraikuntzarako estimatutako aurrekontua, 30 milioi dolarrekoa zen.
Ispilu primarioa
Ispilu primarioa, 11 metroko ispilu esferiko bat osatzen duten 91 segmentu hexagonalez osatua dago. Diseinua, Texaseko McDonald Behatokiko Hobby-Eberly Teleskopioan oinarritua dago, baina, arloren batzuetan ezberdina da, SALTaren behar zehatzei hobeto egokitzeko eta azken aurrerakuntza teknologikoak erabili ahal izateko.
Lehen irudiak
2005eko irailak 1ean, SALT teleskopioa funtzionatzen hasi zen, eta, teleskopio honek eginiko lehen argazkiak, honako hauek izan dira. NGC 6744, NGC 6530, M8 (Aintzira Nebulosa) eta 47 Tucanae. Ofizialki, [[2005]eko azaroak 10ean inauguratu zen.
