Hansle Parchment (1990eko ekainaren 17a) atleta jamaikarra da, 110 metro hesietan aditua dena. [1] Proba horretako olinpiar txapelduna da. 2021ean lortutako garaipenarengatik 2020ko Udako Olinpiar Jokoetan.
Parchment Kingston-eko West Indies Unibertsitateko ikasle ohia da eta 2011ko Udako Unibertsiadetan urrezko domina irabazi zuen, orduan 13.24ko marka pertsonala eginez Jamaikarentzat titulua irabazteko.
2012ko ekainean, Jamaikako proba olinpikoak irabazi zituen orduko 13.18ko marka pertsonalarekin 2012ko Udako Olinpiar Jokoetan Jamaikarren talderako sailkatzeko. [2] 2012ko abuztuaren 8an, brontzezko domina irabazi zuen 110 m hesietako finalean. Jamaikako 13.12ko errekorra egin zuen orduan hirugarren postua lortzeko, Aries Merritt eta Jason Richardsonen atzetik.
Pekinen 2015eko Munduko Txapelketan, Parchmentek zilarrezko domina lortu zuen 110 m hesietako finalean. Aries Merritt munduko errekorduna eta txapeldun olinpikoa, David Oliver txapeldun defendatzailea eta Sergey Shubenkov Europako txapeldunaz osatutako kalitate handiko finalean, Parchment-i Shubenkovek bakarrik irabazi zion, 13.03s-ko denbora eginez.
2021eko ekainean, Parchment hirugarren sailkatu zen Jamaikako Olinpiar Probetan 13.18ko denborarekin 2020ko Udako Olinpiar Jokoetarako sailkatzeko. Olinpiar Jokoetako 110 m hesietako finalean, urrezko domina irabazi zuen 13.04ko denborarekin, Grant Holloway eta Ronald Levy-ri irabazita.
Nazioarteko emaitzak
Erreferentziak
Kanpo estekak
