Gerry O'Connor (Nenagh, Tipperary konderria) irlandar banjo-jotzaile bat da. Irlandako banjo-jotzaile onenetakoen artean dago. Musika-tresna horretaz gain mandolina, biolina eta gitarra ere jotzen ditu.
Nagusiki, bakarka edo beste zenbait musikariekin batera jotzen duen arren, noizbehinka hainbat taldeetako kide ere izan da, tartean The Dubliners eta Four Men and a Dog. Michael Flatley irlandar-estatubatuar dantzariaren Lord of the Dance ikuskizunean ere jardun zuen. The Waterboys, Mary Black, Arcady, Moya Brennan, Luka Bloom, Sharon Shannon eta Christy Moore musikariekin ere jo izan du. Bill Clinton, AEBetako presidenteak, Irlandara burutu zuen bisitaldi historikoan zehar, Belfasten hari eginiko kontzertuan jo zuen.
