Artikulu edo atal hau «Euskal Herriaren banaketa administratiboa» artikuluarekin batu dadila proposatu da. (Eztabaida) Proposamenaren data: 2017-12-05.

Euskal Herriko Antolamendu Administratiboa
Euskal Herria
Goiburua: "Zazpiak Bat"
Geografia
Hiriburua	Iruñea , parametroa ez da «latitude,longitude» baliozkoa
Administrazioa
EAEko lehendakaria	Iñigo Urkullu
Demografia
Bestelako informazioa

Euskal Herriko Antolamendu Administratiboa da Euskal Herriak gaur egun duen antolamendu politiko eta administratiboa, kontuan hartuz zazpi herrialdeek duten banaketa^[1]. Euskal Herria Europako herrialde bat da^[2]. Pirinio mendien mendebaldean kokatua, Frantzia eta Espainiaren arteko muga egiten duen mendilerroan, eta Bizkaiko golkorantz zabaltzen dena.

Euskal Herriak zazpi herrialde hauek barne hartzen ditu: Araba, Bizkaia, Gipuzkoa, Lapurdi, Nafarroa Beherea, Nafarroa Garaia eta Zuberoa.

Gaur egun Bizkaia, Gizpuzkoa eta Araba Euskal Autonomia Erkidegoaren barruan daude, hiru herrialdetako bakoitzak bere erakunde publikoak mantendu dituen arren.

EAEko lehendakaria Iñigo Urkullu da.

Eusko Jaurlaritza Euskal Autonomia Erkidegoko gobernua da, hau da, Araba, Bizkaia eta Gipuzkoa herrialdeetan du eskumena. Eusko Jaurlaritzaren egoitza nagusia Arabako hiriburu Gasteizko Lakua auzoan dago; hortik dator maiz Lakuako Gobernua ezizenez ere aipatzea.

Eusko Legebiltzarra EAEko legeak eratzen eta eztabaidatzen dituen erakundea da. Euskal Autonomia Erkidegokobiztanleak ordezkatzen ditu, eta gaur egun 75 eserleku ditu: 25 eserleku, autonomia erkidegoa osatzen duen herrialde bakoitzeko (Araba, Bizkaia eta Gipuzkoa). Lau urtean behin, Euskal Autonomia Erkidegoko herritarrek sufragio unibertsalarenbitartez hautatzen dituzte 75 legebiltzarkide horiek.

Nafarroa Garaiari gaur egun Nafarroako Foru Komunitatea izaera eman dio Espainiako ordenamenduak.

NFK-ko lehendakaria María Chivite da.

Nafarroako Gobernua Nafarroako Foru Erkidegoko gobernua da, eta Iruñean du egoitza nagusia. Historikoki, eta 1982. urtea arte, Foru Diputazioa edo Foru Aldundia izenez ere ezagutu izan da, Nafarroako Foru Hobekuntzan zehaztuta dagoenez. Lehendakaria Parlamentuak aukeratzen du; eta Parlamentua, Nafarroa Garaiko herritarrek, lau urtetik behin egiten diren foru hauteskundeetan.

Nafarroako Parlamentua —Nafarroako Gorteak izenez ere ezaguna— da Nafarroako Foru Erkidegoaren eremuko botere legegilearen ganbera bakarra. Parlamentuaren betebeharrak dira, Foru Hobekuntzaren Legeari jarraituz, nafarrak ordezkatzea, legeak eta aurrekontu orokorra onartzea eta Nafarroako Lehendakaria kontrolatzea.

Egun, 50 ordezkarik dute eserlekua Parlamentuan. Legegintzaldiak lau urtekoak dira, eta parlamentari guztiak batera hautatzen dira, barrutirik gabe.

Euskal Hirigune Elkargoa (EHE) (frantsesez Communauté d'agglomération du Pays basque - CAPB eta gaskoieraz Comunautat d'Aglomeracion deu País Basco - CAPB) Ipar Euskal Herri osoa hartzen duen hirigune elkargoa da, egituraketa administratibo bateratua lortzeko eratutako erakundea. Erakunde honek izaera administratiboa berria du, Elkargoaren barneko udalerriei eskumen gehiago emanez. Horretarako, jada Frantziako lurralde egituraketa eta zuzenbidean dauden hirigune elkargoa, hiri elkargoa edo herri elkargoa deritzoten entitateez baliatzea gogoeta egin zen.

EHEko lehendakaria Jean Rene Etxegarai da.