Ernst Streeruwitz, Ernst Streer Ritter von Streeruwitz jaioa (Mies, 1874ko irailaren 23a - Viena, 1952ko urriaren 19a) austriar militar, negozio-gizon eta politikaria izan zen. Austriako kantzilerra izan zen 1929ko maiatzetik irailera.
Nobleziako familia batean jaio zen, kide militar eta funtzionario askorekin, jatorriz Frisiakoa.
Ikasketa militarrak egin zituen eta 1895ean armadan sartu zen, 1901ean osasun arazoengatik utzi bazuen ere. Ingeniaritza mekanikoa eta zuzenbidea ikasi zituen orduan, eta fabrikak zuzendu zituen. Lehen Mundu Gerran administrazio-lanak egin zituen eta gerrako presoez arduratu zen.
Gerra amaitu ondoren, ehungintzan jarraitu zuen, eta Alderdi Sozial Kristauko kide gisa sartu zen politikan. Kontseilu Nazionaleko kide izan zen 1923tik 1930era. 1929ko maiatzetik irailera kantziler eta Kanpo Arazoetako ministro izan zen. Gobernuak porrot egin zuen Heimwehr eta Schutzbund milizien arteko liskarraren ondorioz.
Boteretik agurtu ondoren, 1938an Anschlussa babestu zuen.
.svg){kind=small}
