Edale santuaren kondaira
Datuak
Idazlea	Joseph Roth (1939)
Argitaratze-data	1939
Generoa	Eleberria
Jatorrizko izenburua	Die Legende vom heiligen Trinker
Hizkuntza	alemana
Herrialdea	Austria
Euskaraz
Izenburua	Edale santuaren kondaira
Itzultzailea	Matías Múgica
Argitaratze-data	2001
Bilduma	Literatura saila
Orrialdeak	95
ISBN	8487484395

Edale santuaren kondaira (Die Legende vom heiligen Trinker) Joseph Roth idazle judu austriarrak 1939an idatzitako eleberri labur bat da. Hil baino pixka bat lehenago amaitu zuen Rothek liburua eta hil ondoren argitaratu zuten.

Andreas Kartak Sena ibaiko zubipeetan lo egiten duen arlote bat da. Arratsalde batean ongi jantzitako jaun batek berrehun libera ematen dizkio honako baldintzarekin: Sainte Marie des Batignolles elizan dagoen Teresa Lisieuxekoari itzultzeko dirua, berak nahi duenean. Andreasek dirua itzuliko duela hitzematen dio jaunari, eta hitza betetzen gogoz saiatzen da.

• Andreas Kartak: protagonista. Jaiotzez Poloniakoa, meatzeetan lan egitera Frantziaratua.
• Jaun zahar ongi jantzia: berrehun libera ematen dizkio Andreasi, bi aldiz. Bigarren aldian ez du ezagutzen Andreas.
• Karoline: Andreasek ostatu hartu zuen etxeko andrea. Berataz maitemindu zen Andreas. Senarrak Karolineri tratu txarrak ematen zizkionez, Andreasek senarra hil zuen eta bi urteko kartzela eman zioten. Berarekin dirutza gastatzen du Andreasek, dirua itzuli ordez.
• Kanjak: Andreasen eskola laguna eta futbolari ospetsua. Asko laguntzen dio Andreasi.
• Gaby: Cannesko kasinoko dantzaria. Berarekin asteburu bat pasatzen du Andreasek, eta dirutza gastazen du.
• Woitech: Andreasen lankide ohia. Ez dio uzten Andreasi dirua itzultzen. Berarekin ere dirutza gastatzen du.
• Teresa: neska gazte bat. Andreasek Teresa Lisieuxekotzat jotzen du.