Diario de Burgos

Diario de Burgos
Motaegunkari
Fitxa teknikoa
HizkuntzaGaztelania
Argitaratze lekuaBurgos, Gaztela eta Leon
Gai nagusiaInformazio orokorra
Banaketa
MaiztasunaEgunero
Historia
SortzaileaJuan Albarellos Berroeta (en) Itzuli
ZuzendariaÁlvaro Melcón
Editore-buruaPromecal
Identifikadoreak
ISSN1576-5261
www.diariodeburgos.es
Twitter: diariodeburgos Edit the value on Wikidata

Diario de Burgos egunkari espainiarra da. Ordainpekoa eta egunerokoa da. Gaztela eta Leongo (Espainia) Burgosko probintziari dagokio haren hedapen-eremua. Burgosen du egoitza eta Promecal (Promotora de Medios de Castilla y León) da egunkariaren editorea.

Historia

1891ko apirilaren 1ean, asteazkena, 1.go alea kaleratu zen Burgos hirian. Egunkariaren sustatzaile eta sortzaileak Juan Albarellos Berroeta[1] idazle, kazetari eta abokatu burgostarra eta Juan García Rubio[2] Burgosko Auzitegiko Salako idazkaria izan ziren. Egunkariko lehen zenbakiak pezetaren bost zentimo balio zuen.

Gaur egun egunkariaren zuzendaria Álvaro Melcón[3] da.

2015ean, Burgosko Udaleko Gobernu Batzordeak erabaki zuen plaza bati "El Diario de Burgos" egunkariaren izena ematea. Laserna pasealekuaren eta Guadalhorceko kondearen etorbidearen elkargunean kokatutako biribilgune bat da.

Map

Edukiak

Egunkaria espainiarra eta jeneralista da. Aztertzen diren gaiak, gehienbat, orokorrak dira; hau da, Burgosko probintzian edo Gaztela eta Leongo Autonomia Erkidegoan sortzen den edozein gai mota. Horretaz gain, estatu edo nazioarte mailako albisteetan gehiago zentratzen diren atalak ere baditu. Web edizioan[4] egunkariko edukiak hainbat ataletan bana daitezke:

Burgos

Atal honetan Burgosekin oro har edo hiriburuarekin zerikusia duten gaiak jorratzen dira.

Provincia

Atal honetan Burgosko probintziarekin zerikusia duten gaiak jorratzen dira.

Región

Atal honetan Burgos kokatuta dagoen eskualdearekin zerikusia duten gaiak jorratzen dira, hau da, Gaztela eta Leoni buruzkoak.

España

Atal honetan gai nazionalak jorratzen dira, Espainia osokoak.

Mundo

Atal honetan mundu osoko gaiak jorratzen dira.

Deportes

Atal honetan kirolak jorratzen dira. Burgos probintziaren barruan egiten diren kirolen inguruan hitz egiten da, baina, atal honetan, gainerako kirol nazionalari edo nazioartekoari ere ematen zaio garrantzia.

Opinión

Egunkariko atal hau iritzikoa da. Bertan, hainbat pertsonak hainbat gairi buruz duten iritzia ematen dute. "Eguneko iritziak" daude, eta, gainera, gertuko iritziak eta kolaboratzaileen iritziak.

Galerias

Galerietan multimedia eduki desberdinak gordetzen dira. Argazkiak, bideoak, eta abar.

Zuzendariak

Diario de Burgos sortu zenetik gaur egun arte, zuzendari hauek izan ditu.

Enpresa

Egunkarian, Burgosko probintzia osoan zehar banatutako hainbat delegazio eta edizio daude.[6] Briviescako delegazioa, Merindadeen delegazioa, Erriberako edizioa (Aranda de Dueron dagoena) eta Miranda Ebroko edizioak.

Gainera, Miranda Ebron beste egunkari bat dago, "El Diario de Burgos" -ek kudeatua. Diario de Miranda du izena.

2000. urteaz geroztik PROMECAL (Promotora de Medios de Castilla y León) enpresa-taldearen jabetzakoa da. Méndez familiak dauka horren jabetza. Talde honek beste egunkari batzuk ere baditu:[7] La Tribuna De Albacete, Diario de Ávila, La Tribuna de Ciudad Real, Diario Palentino, La Tribuna de Puertollano, El Adelantado de Segovia, La Tribuna de Talavera, La Tribuna de Toledo, El Día de Valladolid. Baita hainbat telebista-kanal eta irrati-kate eta tokiko komunikazioko eta multimedia-zerbitzuetako zenbait enpresa ere.

Erreferentziak

  1. ↑ Sanz Hernando, Clara. La Voz de Castilla, el periódico de la prensa del Movimiento en Burgos (1945-1976). Universidad de Burgos (Noiz kontsultatua: 2021-05-06).
  2. ↑ Gila Medina, Lázaro. (2017). «Un cuadro inédito del Cristo de Burgos en México: el de Juan de Villalobos de la parroquia de San Pablo Apetatitlán (Tlaxcala)» Laboratorio de Arte (29): 413–434.  doi:10.12795/la.2017.i29.22. ISSN 1130-5762. (Noiz kontsultatua: 2021-05-06).
  3. ↑ (Gaztelaniaz) Burgos, Diario de. (2019-12-04). «Álvaro Melcón asume la dirección de Diario de Burgos» Diario de Burgos (Noiz kontsultatua: 2021-05-06).
  4. ↑ (Gaztelaniaz) Burgos, Diario de. (0001-01-01). «Diario de Burgos. Noticias de Burgos y provincia | diariodeburgos.es» Diario de Burgos (Noiz kontsultatua: 2021-05-06).
  5. ↑ (Gaztelaniaz) Cultura, Foro de la. (2016-07-11). «Raúl Briongos • Foro de la Cultura» Foro de la Cultura (Noiz kontsultatua: 2021-05-06).
  6. ↑ (Gaztelaniaz) Burgos, Diario de. (0001-01-01). «Diario de Burgos» Diario de Burgos (Noiz kontsultatua: 2021-05-06).
  7. ↑ (Gaztelaniaz) «DIARIO DE BURGOS -Historia y Fundación-» Burgospedia, la enciclopedia del conocimiento burgalés 2011-04-02 (Noiz kontsultatua: 2021-05-06).

Kanpo estekak