Chloe Kelly
(2022) Irudi gehiago
Bizitza
Jaiotzako izen-deiturak	Chloe Maggie Kelly
Jaiotza	Ealing (Londres), 1998ko urtarrilaren 15a (26 urte)
Herrialdea	Erresuma Batua
Lehen hizkuntza	ingelesa
Hezkuntza
Heziketa	Elthorne Park High School (en)
Hizkuntzak	ingelesa
Jarduerak
Jarduerak	futbolaria
Ibilbidea Taldeak Urteak J G Arsenal Football Club 2015 / 2017 Everton F.C. 2016ko ekaina / 2016ko iraila Everton F.C. 2017 / 2017 Everton F.C. 2018ko urtarrila / England women's national football team 2018ko azaroaren 8a / 1
Parte-hartzailea 2014 UEFA Women's U-17 Championship (en) 2018 FIFA U-20 Women's World Cup (en)
Posizio edo espezialitatea	aurrelaria
Altuera	168 zentimetro

Chloe Maggie Kelly (Londres, 1998ko urtarrilaren 15a - ) futbolari ingelesa da. Manchester City taldean eta Ingalaterrako selekzioan aurrelari postuan jokatzen du. 2022ko Europako Txapelketan Ingalaterrako selekzioari titulua eman zion gola sartu zuen.

Londres mendebaldeko Hanwell barrutian hazi zen bost anai-arrebetatik gazteena zela^[1]. Queens Park Rangers taldeko harrobian hasi bazen ere Arsenalek bere harrobirako fitxatu zuen. Egunero bi ordu egiten zituen trenez Arsenalen Hobekuntza Zentrora entrenatzera joateko.

17 urte zituela egin zuen debuta Arsenalen, 2015eko uztailaren 23an eta lehen partidako 22. minutuan gola satu zuen Watforden aurka^[2]. 2016ko otsailean sinatu zuen aurreneko kontratu profesionala^[3] baina urte berean Everton FC taldera joan zen utzita, bigarren mailan zegoen taldea. 2017an kontratu berria sinatu zuen Arsenalekin baina berriz ere Evertonen jokatu zuen^[4]. 2018an Evertonek fitxatu zuen eta 2020 arte egon zen bertan, dagoeneko lehen mailan. 2019an orkatilan zirujiazko ebakuntza bat egin zioten^[5]. Hari buelta eman eta 12 partidatan 9 gol sartu zituen, Everton seigarren posturaino igoz. Birala egin zen Liverpooleko derbian distantzia luzetik sartu zion gola^[6]. Partida hura Evertonek 2-0 irabazi zuen, gol biak Chloe Kellyk sartu zituen. 2020an lehenengo hattricka egin zuen Readingen aurkako partidan, 2013tik Evertoneko jokalari baten egindako bakarra^[7].

2020an Manchester Cityk fitxatu zuen. Iritsi bezain laister Ingalaterrako Kopa irabazi zuen. 2021eko aurreko lotailu gurutzatua hautsi zuen^[8]. Hurrengo denboraldian Ingalaterrako Liga irabazi zuen.

2014an 17 urtez azpiko Europako Txapelketa jokatu zuen eta 2018an 20 urtez azpiko Munduko Txapelketa.

2018ko azaroan egin zuen debuta nagusien selekzioarekin^[9]. 2022ko ekainean Europako Txapelketa jokatzeko deialdian sartu zuen entrenatzaileak. Finala uztailaren 31n izan zen Alemaniaren aurka. Chloe Kelly bigarren zatian atela zen zelaira eta 110. minutuan Ingalaterrari titulua eman zion gola sartu zuen^[10].