Bartzelonako Historia Museoa (katalanez: Museu d'Història de Barcelona, MUHBA edo MHCB) Kataluniako hiriburuan dagoen Historiari buruzko museo bat da. Hiriko museoa da, eta, sortu zenetik gaur arte, Bartzelonako historia eta ondare historikoa gorde, aztertu, dokumentatu, zabaldu eta erakusten ditu. Bartzelonako Udalak kudeatzen du, Bartzelonako Kultura Institutuaren bitartez. Egoitza nagusia Plaça del Rein du, Ciutat Vellaren bihotzean, eta hiriko barruti eta auzoetan banatutako hainbat ondare-zentro kudeatzen ditu. 1943ko apirilaren 14an inauguratu zuten, Agustí Duran historialaria bere bultzatzaile eta lehen zuzendaria zelarik.
