Altitudezko zonazio

Landaredi-estaiak Alpeetako Olperer mendian: behetik gora, menditar garaia, subalpetarra, alpetarra eta elurtarra.

Altitudezko zonazioa, ekologian, altitudearen eraginez mendietan gertatzen den landaredi-zonazioa da.[1] Altitudeak tenperaturan, hezetasunean, lurzoruaren konposizioan eta eguzki-erradiazioan eragiten duenez, ingurune-baldintza desberdinak dituzten estai altitudinalak bereizten dira; ingurune-baldintza desberdinen horien ondorio dira landaredi-estaiak.[2]

Estai bioklimatikoak

Alpeetako estai bioklimatikoak.

Altitudezko zonazioak balio unibertsala badu ere, eskualde bakoitzak bere estai bioklimatiko diferentzialak izan ohi ditu. Praktikan, ezaugarri termoklimatikoen arabera mugatzen dira.[3] Europari dagokionez, bost estai bereiz daitezke eskualde eurosiberiarrean, eta sei eskualde mediterraniarrean.

Eskualde eurosiberiarra

Ezaugarri termoklimatikoak[4] Landaredi-estaiak
Urteko batezbesteko tenperatura Hilabeterik hotzeneko batezbesteko tenperatura minimoa Hilabeterik hotzeneko batezbesteko tenperatura maximoa
<3 °C
<-8 °C
<0 °C
 Estai elurtarra
Estai alpetarra
3 °C — 6 °C
-8 °C — -4 °C
0 °C — 3 °C
 Estai subalpetarra
6 °C — 10 °C
-4 °C — 0 °C
3 °C — 8 °C
 Estai menditarra
>10 °C
>0 °C
>8 °C
 Estai muinotarra

Eskualde mediterraniarra

Proposamen desberdinak egin dira mediterraniar kliserierako; hona hemen Salvador Rivas-Martínezena:

Ezaugarri termoklimatikoak[5] Landaredi-estaiak
Urteko batezbesteko tenperatura Hilabeterik hotzeneko batezbesteko tenperatura minimoa Hilabeterik hotzeneko batezbesteko tenperatura maximoa
<4 °C
<-7 °C
<0 °C
 Estai krioromediterraneoa
4 °C — 8 °C
-7 °C — -4 °C
0 °C — 2 °C
 Estai oromediterraneoa
8 °C — 13 °C
-4 °C — -1 °C
2 °C — 9 °C
 Estai supramediterraneoa
13 °C — 17 °C
1 °C — 4 °C
9 °C — 14 °C
 Estai mesomediterraneoa
17 °C — 19 °C
4 °C — 10 °C
14 °C — 18 °C
 Estai termomediterraneoa
>19 °C
>10 °C
>18 °C
 Estai inframediterraneoa

Erreferentziak

  1. ↑ Altitudezko zonazio. Euskalterm Terminologia Banku Publikoa, euskadi.eus (Noiz kontsultatua: 2021-4-16).
  2. ↑ Landaredi-estai. Euskalterm Terminologia Banku Publikoa, euskadi.eus (Noiz kontsultatua: 2021-4-16).
  3. ↑ Benito Iza, Iñaki. Estaia muinotarra. in Ekologia Hiztegia, UZEI (Noiz kontsultatua: 2021-4-17).
  4. ↑ Termotipos. Mapa de Vegetación Potencial de Navarra 1:25.000, cfnavarra.es (Noiz kontsultatua: 2021-4-16).
  5. ↑ Rivas-Martinez, Salvador. Memoria del mapa de series de vegetación de España 1:400.000. Icona, floramontiberica.files.wordpress.com (Noiz kontsultatua: 2021-4-19).

Kanpo estekak

  • Sarasola, Laura I. Kliseriea, bioscio.hirusta.io