Waltraut Schulz jam dum infanaj tempoj trejniĝis tirharmonike kaj prezentis sin unuafoje kun samklasaninoj en printempo 1946 en Suhl ĉe Pfingsthütte.
Mallonge poste ŝi fondis kun sia posta edzo kaj du aliaj muzikistoj etan ensemblon nome Das musikalische Kleeblatt. La repertuaron konsistigis ankaŭ usonaj ŝlagroj kiujn ekkonis la muzikfarantoj kiel Wehrmacht-militkaptitoj.
Komence de la 1950-a jaroj Schulz iĝis membro de Suhler Volksmusik, la posta bando Instrumentalgruppe Herbert Roth. Al ĝi ŝi anis inter 1951 kaj 1983 kaj multe da sukeso de ili sendube ŝuldiĝas ankaŭ al ŝia belega kaj facile identigebla voĉo. Poste ŝi turneis kun anoj de la trupo Musikalische Rennsteigwanderer por kiuj ŝi ankaŭ verkis kaj tekstojn kaj melodiojn.
Ŝi retiriĝo jam en 1992, tamen en aprilo 2003 ŝi ankoraŭfoje aperis sursceneje okaze de la 20-a datreveno de la fondo de Rennsteigwanderer en la Domo de la Filmharmoniistoj de Suhl. Ĝismorte ŝi vivis ĉe Haseltal.
Literaturo
Annette Wiedemann, Holger Aderhold: Waltraut Schulz-Mein Album, una eldono, Kulturamt der Stadt Suhl, Suhl 2003
Harald Dressel: Unterwegs mit Herbert Roth, unua eldono, Lied der Zeit Musikverlag, Berlin 1976
