Toledo situas sur ebenaĵo ĉe buŝo de rivero kaj ĉe Lago Erie en la nordorienta landparto de Usono, en la norda parto de la subŝtato, en la nordokcidenta parto de la kantono. Ĝi estas parto de la Megalopolo Grandaj Lagoj.
Historio
Tiu areo estis unuafoje loĝata de blankuloj en 1794, ili konstruis fortikaĵon. En 1812 pro milito inter britoj kaj usonanoj la urbeto preskaŭ senhomiĝis, tial oni refondis ĝin havanta la nomon Port Lawrence en 1817, apude urbeto Vistula formiĝis. Ili unuiĝis havanta la nomon Toledo. Oni konstruis kanalojn inter 1830-1843. En 1835 malgranda interna militado okazis. Toledo kreskis tre malrapide post la fondo. En la dua duono de la 19-a jarcento la trajno malrapide transprenis la rolon de la kanaloj kaj aperis la industrio. En 1880 Toledo iĝis la plej granda urbo en Ohio, samtempe tre grava industria urbo. En la 20-a jarcento la urbo daŭre kreskis, escepte la lastajn 2 jardekojn.
Banko en ToledoPonto de Toledo
Klimato
En Toledo la temperaturo averaĝe varias inter 5-16 °C. La varmo kulminas en julio averaĝe 29 °C, rekorde 41 °C, la malvarmo kulminas en januaro averaĝe −8 °C, rekorde −29 °C. Jare la precipitaĵo estas po 869 mm. En ĉiuj monatoj pluvas (vintre ankaŭ neĝas). La precipitaĵo kulminas en majo.
