Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)
Tiazolino estas grupo da izomeraj heterociklaj komponaĵoj enhavantaj sulfuron kaj nitrogenon en la respektivaj 1 kaj 3 pozicioj de la ringo kun tri karbonatomoj. Kiam la sulfura kaj nitrogena atomoj troviĝas en la pozicioj 1 kaj 2, ili nomatas izotiazolinoj. Ĝustadire, kvankam nesubstituitaj tiazolinoj estas rare trovataj, iliaj derivaĵoj estas ordinaraj kaj kelkaj el ili estas bioaktivaj.
Ekzemple, en la post-translacia modifado (PTM)[1], cisteino konvertiĝas en tiazolinojn. Tiazolinoj estis unue preparitaj ker dualkiligo de tioamidoj[2]. Pli ordinare, ili prepariĝas ekde derivaĵoj el cisteamino aŭ 2-amino-etano-tioloj.[3] En lastatempaj studoj, tiazolinoj estis identigitaj en naturo per analizo de sezamosema oleo.
La toastita sezamosemo estis ekstraktita per uzo de la tekniko konata kiel Solvanto-asista Gustovaporigoj.[4] La ekstraktaĵo estis analizita per Gaskromatografio kaj totalo de 87 komponaĵoj estis identigitaj. Inter ili, 2-etil-4-metil-3-tiazolino kaj 2-izopropil-4-metil-3-tiazolino estis identigitaj kiel ĉeestantaj en la natura produkto je la unua fojo.
Sintezo
Biologia reakcio: La cistino estas dumero de la cisteino. Cistinoj, kiuj estas dusulfidoj, reakcias kun cianida acido por estigi tiocianatojn. Tiocianatoj spertas cikligon per formado de la tiazolina derivaĵo.
