Thomas Linacre (1460-1524)
humanista Anglicus
Persona informo
Naskiĝo	1460 en Brampton, Chesterfield, Derbyshire,  Anglio
Morto	20-a de decembro 1524 en Londono,  Anglio
Tombo	Katedralo de Sankta Paŭlo vd
Religio	katolika eklezio vd
Lingvoj	latina • angla • antikva greka vd
Ŝtataneco	Reĝlando Anglio vd
Alma mater	Universitato de Oksfordo, Universitato de Padovo, Reĝa Kolegio de Kuracistoj, Londono, Universitato de Florenco
Profesio
Okupo	kuracisto matematikisto verkisto klasika filologo vd
Postenoj Postenoj President of the Royal College of Physicians (en) (1518–1524) vd
Membrecoj Membrecoj Reĝa Kolegio de Kuracistoj vd
vd	Fonto: Vikidatumoj
v • d • r

Tomas Linakro (1460-1524) estis angla humanisto, helenisto, kuracisto, matematikisto kaj erudiciulo. Ĉirkaŭ 1501, li estis invitata kiel unu el la mentoroj de Arthur Tudor, Princo de Kimrio (1486-1502). Li same estis persona kuracisto de la anglaj reĝoj Henriko la 7-a Henriko la 8-a, posteno kiu estis tre influa kaj grava dum tiu periodo.

En Londono li praktikis medicinon kaj kelkaj el liaj pacientoj estis grandaj tiamaj ŝtatestroj kaj prelatoj, tiaj kiaj la kardinalo Thomas Wolsey (1475-1530), la ĉefespiskopo de Canterbury William Warham (1450-1532), Richard Fox, episkopo de Manĉestro krom la granda humanisto Erasmo de Roterdamo. Kiel klasika erudiciulo, li estis fondinto kaj unua prezidanto de la Reĝa Kolegio de Kuracistoj en Londono.

Li ricevis sian unuan edukon en la lernejo de la Katedralo de Canterbury, sub gvidado de William tilli of Selling, kiu fariĝis prioro en 1472. Certe la unuaj instigoj por la studoj pri la klasikuloj Linakro ricevis de sia unua majstro. En 1480, Linakro enmatrikuliĝis en Oksfordo kaj en 1484 li elektiĝis kiel membro de la Kolegio All Souls.^[1] Pli malfrue, li vizitis Italion en la komisio de Selling, kiu estis sendita de la reĝo Henriko la 7-a kiel ambasadoro ĉe la papa kortego. Linakro akompanis sian patronon ĝis Bolonjo. Tie li fariĝis lernanto de Anĝelo Poliziano (1454-1494) kaj dividis la lecionojn de Poliziano kun la filoj de Lorenzo de Mediĉi, unu el ili la estonta papo Leono la 10-a.

Aliaj instruistoj de Linakro en Italio estis: Demetro Ĥalkokondilo (1423-1511), Hermolaus Barbarus, la Juna (1454-1493), Aldus Romanus (1449-1515) la venecia presisto (kies akademio Linakro estis membro), kaj de la kuracisto kaj humanisto Nikolao Leoniĉeno (1428-1524). Linakro ricevis sian diplomon kiel doktoro pri medicino kun alta distingo en Padovo.

Dum sia reveno al Oksfordo, plena je erudicio kaj absorbita je la spirito de la itala renesanco, li kreis unu el la plej brilaj cirkloj da Oksfordaj erudiciuloj inklude de John Colet (1467-1519), William Grocyn (1446-1519) kaj William Latimer (1467-1545) kiuj menciiĝas en la leteroj de Erasmo.

Laŭŝajne Linakro ne praktikis medicinon en Oksfordo. Post kelkaj jaroj da persona aktiveco, Linakro ricevis sacerdotajn ordenojn kiel rektoro de Wigan, en 1520, kvankam, dum pluraj jaroj, li ricevis kelkajn klerikajn beneficojn inkluzive de la kantoreco en la Katedralo de Jorko. Lia ordenigo estis konektita al sia retiriĝo el la aktiva vivo. Beletra verkaro kaj la zorgoj pri la fundamentoj kies ekzistado estis atribuita al li, en la Reĝa Kolegio de la Kuracistoj, okupis la lastajn jarojn de sia vivo.

• Linacre College
• Greatsite.com
• Encyclopedia.com
• New Advent
• Thomas Linacre, William Osler
• The Life of Thomas Linacre: With Memoirs of His Cotemporaries and of the ..., John Noble Johnson
• The Encyclopaedia Britannica : a dictionary of arts, sciences

	Portalo pri Anglio
	Portalo pri Homoj
	Portalo pri Medicino