Moby-Dick estas romano de la usona verkisto Herman Melville publikita en 1851. Ĝi rakontas la aventuron de balenŝipo Pequod kaj ĝia obsedita kaj sindetruiga persekutado de granda blanka baleno (kaĉaloto) ekigita de la ŝipestro, kapitano Ahab.
La romano, marĝene de la persekutado kaj disvolvigado de la roluloj, estas precipe enciklopedieca, en kiu la aŭtoro inkluzivis longajn kaj detaligatajn priskribojn pri la ĉasado de balenoj en la 19a jarcento kaj aliaj detaloj pri la marista vivo de tiu epoko. Eble pro tio ĝi ne havis komercan sukceson en la unua eldono, kvankam poste ĝi helpis la famigadon de la aŭtoro kaj situigi lin inter la plej bonaj usonaj verkistoj.
