Martin Hayneccius
Persona informo
Naskiĝo	10-an de aŭgusto 1544 (1544-08-10) en Borna
Morto	28-an de aprilo 1611 (1611-04-28) (66-jaraĝa) en Grimma
Lingvoj	germana vd
Ŝtataneco	Germanio vd
Alma mater	Gymnasium St. Augustin (en) vd
Memorigilo
Profesio
Okupo	edukisto tradukisto poeto verkisto vd
Postenoj Postenoj lernejestro vd
vd	Fonto: Vikidatumoj
v • d • r

Martin HAYNECCIUS (naskiĝinta la 10-an de aŭgusto 1544 en Borna, mortinta la 28-an de aprilo 1611 en Grimma) estis germana komediverkisto kaj pedagogo.

Studinte en Lepsiko li poste estis instruisto en Leisnig, Chemnitz kaj Annaberg antaŭ ol iĝi lernejestro en Braunschweig en 1585. En 1588 li vokitis al Grimma kie li funkciis ĝismorte kiel estro de la fama gimnazio.

El liaj multaj porlernantaj komedioj presitis: »Almansor« (origine verkita en la latina, Leipzig 1578, germanlingve kiel »Schulteuffel«, Leipzig 1603) kaj »Hansoframea seu Mimoscopus« (latinlingva, 1581, germane: »Hans Pfriem«, Leipzig 1582). Ambaŭ brilas per granda komiko sed ankaŭ per kelkaj obscenetaj frazoj. Pro populara direkteco ili ja interesas historie kaj filologie, ĉar en ili donatas multaj tiutempaj eldiroj kaj proverboj.

Hayneccius ankaŭ tradukis la verkon »Captivi« de Plaŭto (Leipzig 1582) kaj verkis »Medulla sive Phraseologia Terentiana« (Leipzig 1590) pri Terentio.

Meyers Großes Konversations-Lexikon, Band 9. Leipzig 1907, p. 19, kio legeblas tie ĉi interrete.