Luther STANDING BEAR - lakote Ote Kte, alia nomo Mochunozhin aŭ Plenty Kill, naskiĝis en decembro 1868 en Suda Dakoto, mortis la 20-an de februaro 1939 en Huntington Park, kantono Los-Anĝeleso, Kalifornio - estis konata usona indiano el la tribo de dakotoj, apartenanta al la etno de siuoj. Li famiĝis kiel elstara indiana verkisto, edukisto, filozofo kaj aktoro de la 20-a jarcento.
En Esperanto aperis tradukoj de liaj verkaĵoj "Mia indiana knabeco" (My Indian Boyhood) kaj "Historietoj de la Siuoj" (Stories of the Sioux), en traduko de William R. Harmon.
