Juan Sebastián ELCANO aŭ Elkano (Getaria, Gipuzko, Hispanio, 1486/1487-Pacifika Oceano, 1526) estis hispana navigisto, kiu unuafoje ĉirkaŭnavigis la Terglobon.[1]
La unua provo de vojaĝo ĉirkaŭ la Tero komencis en Sevilo je la 10-a de aŭgusto de 1519, sub la gvidado de Fernando de Magallanes, kun kvin ŝipoj, kaj definitive eliris en la maron je la 20-a de septembro el Sanlúcar de Barrameda, ĉe la elfluo de la rivero Gvadalkiviro.
Magallanes (aŭ Magellano) forpasis dum la vojaĝo, en batalo en Filipinoj, en 1521, kaj Elcano prenis la gvidadon. Post tre peniga navigado, li sukcesis reveni en la Iberan duoninsulon je la 6-a de septembro de 1522, kun nur aliaj 17 supervivantoj.[2]
La hispana reĝo donis al li ŝildon kun la tera globo kun latina motto: "Primus circumdedisti me" (Vi unua ĉirkaŭiris min).
Li mortis en la Pacifika Oceano dum dua provo rondiri la planedon.
Notoj
Vidu ankaŭ
Eksteraj ligiloj
