Jacob (ankaŭ: Jacobus) Praetorius la pli juna, fakte Jacob Schultz (n. 8-an de februaro 1586 en Hamburgo; m. 21-an aŭ 22-an de oktobro 1651 samloke), estis germana orgenisto kaj komponisto, apartenate al la Nordgermana Orgenskolo
Vivo
Devenante de orgenista familio (lia avo estis Jacob Praetorius la pli maljuna) li jam junaĝe ricevis orgeninstruon de sia patro Hieronimo Praetorius.
Jam en la aĝo de 18 jaroj li transprenis la postenon de orgenisto ĉe la preĝejo St. Petri en Hamburgo kaj per tio li eksukcedis Heinrich Thor Molen. Tiun ĉi postenon li tenis dumvive. Ekde ĉ.1606 li iris al Amsterdamo, kie li studis ĉe Sweelinck. Li estas samtempulo de Heinrich Scheidemann.
Verkaro
Lia kompona verkaro precipe ampleksas motetojn, pecojn por orgeno samkiel gajlardojn. Krome li renomiĝis kadre de sia okupo ĉe la preĝejo St. Petri en hamburgo kiel instruisto por orgenludado kaj komponado.
Lia komponstilo enhavas kaj tradiciajn kaj progresemajn elementojn. Liaj tri konservitaj preludoj montras internas diversecon, kiu poste estas tipa por la ĝenro. En ili sinsekvas liberaj, fantaziaj partoj anticipantaj la stylus phantasticus kaj imitaj partoj strikte fugaj, formprincipo kiun ankaŭ preferis Dietrich Buxtehude.
Postefikoj
Kiel plej elstaraj lernantoj siaj certe estas rigardendaj Matthias Weckmann samkiel Berendt Petri.
Jacob Praetorius la pli juna havis tri filojn kaj tri filinojn. Hieronymus ankaŭ iĝis muzikisto.
Ligiloj
