Irena Alijošiūtė (naskiĝis la 17-an de marto 1948 en vilaĝo Maironiai, distrikto Kelmė, Litovio – mortis la 28-an de januaro 2021 en Vilno, Litovio[1]) estis respondeca sekretariino de Litova Esperanto-Asocio.
En 1970 finis Vilnan Universitaton, Ekonomian fakultaton, samtempe vizitis sesmonatan E-kurson ĉe Respublika Instruista Domo, trapasis ekzamenon kaj ricevis ateston. Samjare komencis viziti kunvenon de la junulara E-klubo "Juneco" (kies prezidento estis Vytautas Šilas). Dum 1970-1975 estis unu el ĉefaj organizantoj de aranĝoj de tiu klubo, en 1970-1972 estis sekretariino de E-klubo "Juneco", partoprenis SEJT en Uralo (1970) urbo Kuŝnarenkovo ĉe la rivero Belaja, legis raporton pri farita laboro de la litova E-junularo. Ankaŭ partoprenis internacian E-aranĝon en Pollando (1972) en Swinoujscze, vizitis Bydgoszcz, Torun, Krakovon, Varsovion, renkontiĝis tie kun esperantistoj.
Estis membro de la organiza komitato de la 65-a SAT kongreso. Ekde la 1a aŭgusto de 1993 I. Alijošiūtė eklaboris en LitEA kiel respondeca sekretariino en Kaunas. Ŝi partoprenis en la organizaj komitatoj de BET-31 en Girionys (1995) kaj BET-34 en Veisiejai (1998). I. Alijošiūtė multon faris por organizi aŭtobus-grupajn vojaĝojn el Litovio al E-aranĝoj eksterlanden.
Fonto
|
|
Tiu ĉi artikolo pri esperantisto havas liston de fontoj, literaturo aŭ eksteraj ligiloj sed neniun aŭ nesufiĉajn referencojn.
|
- Antanas Mekys, Esperanto en Litovio, parto kvara (1999), p. 83-84.
Referencoj
