La Internacia Asocio por Publika Transporto (france Union Internationale des Transports Publics (UITP), angle International Association of Public Transport) estas la tutmonda asocio por publika (loka) transporto bazita en Bruselo [1]. La asocio estis oficiale fondita la 17-an de aŭgusto 1885 [2] [3][4] [5] [6].
La internacia organizaĵo kunigas pli ol 1 900 urbaj kaj regionaj kompanioj - transportistoj de urba kaj antaŭurba pasaĝertransporto, produktantoj de rulvaroj kaj esplororganizoj de 100 landoj sur ĉiuj kontinentoj. Estas 1,800 institucioj kaj kompanioj kun malsamaj juraj formoj, posedstrukturoj (privataj, publikaj, ktp.) kaj originoj [7].
La agadoj de la UITP inkluzivas, inter aliaj aĵoj: regulaj forumoj, laborgrupoj kaj publikaĵoj. Estas kunlaboro kun Unuiĝintaj Nacioj (UNEP, UNDESA, UNFCCC), la Monda Banko aŭ institucioj de Eŭropa Unio . En kelkaj kazoj, ekzistas ankaŭ kunlaboro kun aliaj gvidaj organizaĵoj kiel ekzemple la Eŭropa Asocio de Fervoja Industrio (UNIFE) (de) aŭ la Internacia Fervojista Asocio (UIC) .
Ĉiujn du jarojn, UITP organizas la Mondan Kongreson kaj Ekspozicion de Publika Transporto. Renomite la Tutmonda Publika Transporta Pintkunveno, la eventoj okazis en Montrealo en 2017 kaj en Stokholmo en 2019. La 64-a Pintkunveno 2021, planita por okazi en Melburno, Aŭstralio, estis nuligita. Barcelono gajnis la konkurson por gastigi la Pintkunvenon en 2023 [8]. La 65-a Pintkunveno okazos de la 4-a ĝis la 7-a de junio, kun la temo "Lumigi la Urbon".
Referencoj
Eksteraj ligiloj
