ISO 3166-2:IE estas subaro de la normo ISO 3166-2 rilate Irlandon. La kodojn havas kvar provincoj kaj 26 graflandoj (nomataj anglecounties, singulare county, irlandecontaetha, singulare contae). Ĉiu kodo konsistas el du partoj, apartigitaj per streketo. La unua estas IE, la ISO 3166-1 dulitera (alpha-2) kodo de Irlando (laŭ la angla ŝtatonomo Ireland kaj la irlanda nomo Eire). La dua parto estas unu litero por provinco kaj unu aŭ du literoj por graflando.
La tradiciaj graflandoj de Irlando. Historie ankaŭ ekzistas 6 irlandaj graflandoj en Nord-Irlando, kiu konsideratas parto de la ŝtato Britio, sed administre tiuj 6 nordirlandaj graflandoj en 1973 estis anstataŭigitaj per 26 nordirlandaj distriktoj, kaj la nomoj de tiuj ses nordaj graflandoj do nun nur estas uzataj por esprimi kulturajn apartaĵojn inter la regionoj de Nord-Irlando.
