Harry Emerson FOSDICK (naskita la 24-an de majo 1878 en Buffalo, Novjorkio, Usono – mortinta la 5-an de oktobro 1969 en Bronxville, Novjorkio) estis usona pastoro. Li fariĝis centra rolulo en la polemikoj inter fundamentistoj kaj modernistoj enkadre de usona protestantismo en la jardekoj inter la mondmilitoj, kaj estis unu el la plej elstaraj liberalaj predikistoj de la unua duono de la 20-a jarcento. Kvankam li estis baptisto, lin vokis kiel pastoron la Unua Presbiteriana Kirko de Nov-Jorko, en la Okcidenta Vilaĝo de Manhatano, en 1918, kie en 1922 li prezentis sian faman predikon, "Shall the Fundamentalists Win?" ("Ĉu la fundamentalistoj venkos?")[1]. Sciante, ke la presbiteriana asembleo intencas formale procezi lin, li demisiis en 1924, kaj ekpastoris ĉe la Baptista Kirko de Park Avenue, la preĝejo de la familio Rockefeller. Poste, John D. Rockefeller instigis la konstruiĝon de Riverside Church en la kvartalo Morningside Heights, sukcese celante ke Fosdick pastoru tie.[2][3][4]
Vidu ankaŭ
Fontoj
Bazita sur informoj en la angla Vikipedio.
Referencoj
- ↑ History Matters, GMU
- ↑ Fosdick, Harry Emerson. (1956) The Living of These Days. Nov-Jorko: Harper, p. 132.
- ↑ Miller, Robert Moat. (1985) Harry Emerson Fosdick: Preacher, Pastor, Prophet. Oxford University Press. ISBN 978-0-19-503512-4.
- ↑ Central Presbyterian Church. The New York City Chapter of the American Guild of Organists. Alirita 2007-07-23 .
|
Ĉi tiu artikolo ankoraŭ estas ĝermo.
Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi ( menciante la fonton). Bonvolu aldoni parametron por plibone kategoriigi la paĝon. |