Chondrus crispus — ofte nomata Irlanda musko aŭ karagena musko (irlandlingvecarraigín, signifante "ŝtoneto") — estas specio de ruĝa algo, kiu kreskas abunde je la ŝtonaj partoj de la Atlantika marbordo de Eŭropo kaj Norda Ameriko. Freŝe, ĝi estas mola kaj kartilaga, kaj la koloro povas esti verda-flava, ruĝa, malhele purpura, aŭ purpura-bruna. La plej granda enhavo, proksimume 55% (peze), estas la mucilagapolisaĥaridakaragenano. La organismo ankaŭ enhavas preskaŭ 10% da proteinoj kaj 15% da mineraloj, kaj ĝi estas riĉa fonto de jodo kaj sulfuro. Kiam akvo moligas ĝin, ĝi havas maran odoron. Pro la abundaj polisaĥaridoj ĝi iĝas ĵeleeca dum boligo, kaj entenas multe da akvo, de 20-oble ĝis 100-oble pli ol sia propra pezo.
La vivciklo de Chondrus crispus. Sub la viva stadio, estas indikita se ĝi estas haploido(n) aŭ diploido (2n) kaj la tipo de karagenano enhavata.Kiel la vivciklo de Chondrus crispus aspektas en naturo. La gametofito montras bluan irizecon kaj la fekundaj sporofitoj aspektas makulita.
