Святлана Мікалаеўна Баітава (нар. 3 верасня 1972, Магілёў, Беларуская ССР) — беларуская гімнастка, алімпійская чэмпіёнка 1988 года ў камандным першынстве, чэмпіёнка свету, неаднаразовая чэмпіёнка СССР. Заслужаны майстар спорту СССР (1988).

• Чэмпіёнка Алімпійскіх гульнях 1988 у камандных спаборніцтвах
• Чэмпіёнка свету 1989 у камандных спаборніцтвах
• Срэбны прызёр чэмпіянату свету 1987 у камандным першынстве
• Абсалютная чэмпіёнка СССР 1986
• Чэмпіёнка СССР 1987 у апорным скачку і ў практыкаванні на бервяне, 1989 у практыкаванні на бервяне

З 1991 года на трэнерскай працы. Працуе трэнерам-выкладчыкам па харэаграфіі СДЮШАР-6 Магілёва. У Магілёве праводзяцца міжнародныя спаборніцтвы па спартыўнай гімнастыцы на Кубак Святланы Баітавай.

• Беларускі дзяржаўны інстытут фізічнай культуры (1994).
• Магілёўскі дзяржаўны універсітэт імя А. А. Куляшова (2002).

• Ганаровы грамадзянін горада Магілёва
• За працоўную доблесць (1989)

• Святлана Баітава на Алімпійскіх гульнях Архівавана 4 снежня 2008. (англ.)