Рыма Леанідаўна Арцёмчык
Дата нараджэння	27 снежня 1934(1934-12-27) (90 гадоў)
Месца нараджэння	Свярдлоўск, Свярдлоўская вобласць, РСФСР, СССР
Альма-матар	Уральскі політэхнічны інстытут імя С. М. Кірава[d] (1957)
Месца працы	Свярдаблпраект[d] Мінскпраект БелНДІПгорадабудаўніцтва
Член у	Саюз архітэктараў СССР Беларускі саюз архітэктараў
Узнагароды

Рыма Леанідаўна Арцёмчык (27 снежня 1934, г. Свярдлоўск, РСФСР) — беларускі і расійскі інжынер-будаўнік.

Скончыла ў 1957 годзе Уральскі політэхнічны інстытут па спецыяльнасці «гарадское будаўніцтва і гаспадарка». У 1957—1963 гадах Інжынер-праектыроўшчык, старэйшы архітэктар у інстытуце «Свярдлоўскгарпраект». У 1963—1970 гадах старэйшы архітэктар у інстытуце «Мінскпраект», у 1970—1991 гадах працавала ў «БелНДІПгорадабудаўніцтва» (кіраўнік групы, галоўны архітэктар праектаў).

Член Саюза архітэктараў СССР з 1968 года, пасля член Саюза архітэктараў Беларусі.

Жыве ў Мінску па адрасе вул. Васняцова, 2.

Асноўныя працы: праекты забудовы мікрараёнаў 1, 2 у жылым раёне «Чыжоўка» (1964—1968), мікрараёнаў 1, 2 па вул. В. Харужай у Мінску (1970), генплан г. Брэста (1974^[1]) і ПДП паўднёвага жылога раёна^[2] (1977^[1]) і Паўднёва-Заходняга (1978)^[1], жылых раёнаў у Дзяржынску (1972), Дзедавічах Пскоўскай вобласці (1976), Пінску (1977), у Слуцку (1982)^[1], генеральны план г. Пінска (1979), першая чарга будаўніцтва ў гарадах: Брэст, Пінск, Полацк, Наваполацк (1981—1986)^[2][1].

Узнагароджана медалём «Ветэран працы».

Жонка архітэктара Эдуарда Міхайлавіча Арцёмчыка (1934—2011).

• Артемчик Римма Леонидовна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Артемчик Римма Леонидовна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)